Ferragosto e Nossadunna d'avust

Tge ha ina festa precristana da far cun Nossadunna e cun stailas crudantas?

«Chod arda il sulai da stà ...» La famusa poesia da Peider Lansel evochescha las chalurs, cur che la famiglia fa fain e «la mammaduonna», la tatta resta suletta a chasa. Quels che na ston betg lavurar partan l'avust en vacanzas. Ma chattar in plaz liber a la mar en l'Italia è quels dis bunamain impussibel: Igl è Ferragosto. Quest di da vacanzas decretà da l'imperatur Augustus è pli tard vegnì integrà en la tradiziun cristiana sco Nossadunna d'avust. Ils 15 d'avust è il di che Maria ascenda en tschiel. E be curt avant crodan las stailas da la notg da Son Lurengn ...

I sa tracta da parts dad in «FORUM» da Chasper Pult dal 2007.

Redacziun: Gabriela Desax