Il cumbat da sora Lorena Jenal cunter la persecuziun da strias

La persecuziun da strias è in chapitel stgir da noss'istorgia. In chapitel ch'ha prendì sia fin en Svizra cun l'execuziun d'Anna Göldi l'onn 1782. Dentant betg dapertut sin il mund è quai in fenomen che tutga tar il passà.

Fotografia da Sora Lorena Jenal e da Cristina
Legenda da maletgs: Cristina è ina da la bleras unfrendas che Sora Lorena ha salvà. MAD, Bettina Flitner

A Papua Nova Guinea ha la persecuziun da strias e striuns numnadamain pir cumenzà avant insaquants onns. Ina che cumbatta cun corp ed olma cunter la malgistadad e tortura al lieu è Sora Lorena Jenal, oriunda da Samignun. Quest atun è ella stada en Svizra per rapportar da sia lavur e sensibilisar per la situaziun en Papua Nova Guinea, nua ch'ella è activa dapi 40 onns.

Autur/a: Carin Caduff