Siglir tar il cuntegn

Header

audio
Sagogn cun las duas baselgias: a sanester la baselgia catolica, dretg la refurmada.
RTR
laschar ir. Durada: 54 minutas 4 Secundas.
cuntegn

«Ina chandaila n'è betg catolica» – l'ecumena a Sagogn

L'ecumena è en bleras vischnancas pariteticas ina realitad che sa chapescha da sasez. Tuttina existan ils cunfins tranter las confessiuns vinavant. Co gartegia l'act da balance a Sagogn? Ils dus plevons raquintan.

Avant passa 300 onns avess in conflict tranter ils vischins catolics e refurmads da Sagogn prest chaschunà ina guerra civila en il Grischun. Oz èn ins lunsch davent da talas animositads. La convivenza paritetica gartegia a Sagogn a moda exemplarica, ed era ils ultims ressentiments tranter las confessiuns paran dad esser svanids - almain sch'ins taidla ils dus plevons dal vitg, sur Alfred Cavelti e ser Daniel Hanselmann.

Tuttina: Ina convivenza ecumena gartegia be cun in tschert sensori e respect vicendaivel. Ils dus plevons laschan savair tge che las duas confessiuns pon emprender ina da l'autra, ed els discurran er davart la gloria, la «gliergia» ed il rumper cunfins.

Dapli da «Vita e cretta»

Scrollar a sanestra Scrollar a dretga