«La passion d’Augustine» – in nov film da Léa Pool

La musica po esser in'uraziun per l'olma - da quai è Augustine persvasa. Augustine è ina mungia che maina dapi onns ina scola da musica. En il nov film da Léa Pool cumbatta ella per il mantegniment da questa. D'ina vart fan ils donaturs finanzials squitsch: Represchentants ultra conservativs dal Vatican n'apprezieschan betg la musica da tala maniera sco Augustine. Da tschella vart ha la regenza da Canada pretaisas: Tuttas scolas en il pajas stoppian vegnir secularisadas. Augustine tschertga ina via tranter la tradiziun ed il temp preschent. Ella va sia via originala. En «Vita e cretta» udis ina prevista dal film che vegn mussà a partir dals 19 da november.
Il predi da questa dumengia fa Ernst Fuchs.
Redacziun: Chatrina Gaudenz

Trailer uffizial: LA PASSION D'AUGUSTINE

Autur/a: RTR/dh