La strenschida dal maun ed ils conflicts sut la surfatscha

En Svizra è rut ora in cumbat da cultura enturn la dumonda sch'in scolar astga refusar da dar il maun a sia scolasta. «Vita e cretta» ha empruvà da considerar quest'affera cun in pau distanza, ed ha discurrì perquai cun insatgi che na vegn ni dal cristianissem ni da lislam, ed era betg da la Svizra: Cun Hanno Loewy, il directur dal Museum giudaic a Hohenems en l'Austria. Per el èsi central da chattar ils veritabels conflicts tranter las persunas, zuppadas sut quest viertgel da la strenschida dal maun, ed el tira endament ch'i dat era gidieus ortodox che na dattan mai lur maun ad ina dunna.

Il predi da questa dumengia fa Ernst Oberli.

Redacziun: Mathias Kundert

Autur/a: RTR/dh