«Mangiar Dieu» – in’istorgia culinarica da la Sontga Tschaina

Quai è mes corp... di Jesus durant la davosa tschaina cun ses giuvnals. E quai repetin nus durant mintga Sontga Tschaina. En ses cudesch «Gott essen» mussa l'istoricher da baselgia Anselm Schubert dentant che nossa Sontga Tschaina haja tut autras ragischs che biblicas. Punct da partenza sajan las tschaveras communablas cun uraziun, chant e conversaziun dal temp grec e roman. Il cudesch maina la lectura ed il lectur tras l'istorgia culinarica dals cults divins dals davos 2000 onns, cults cun mel d'avieuls, chaschiel ed ulivas, nuschs da cocos, manioc ubain coca cola e gervosa.

En vista a Sontgilcrest, la festa dal corp e dal sang da Jesus ch'ils catolics celebreschan gievgia proxima, preschenta Vita e Cretta insaquants aspects ed istorgias or dal cudesch dad Anselm Schubert.

Il pled sin via fa Marcel Köhle.

Autur/a: Maria Victoria Haas