Marta u Maria?

Ina emissiun or da l'archiv ed ina sumeglia or da l'evangeli da Lucas.

Clau da Flia – Martin Luther e la refurmaziun vegnan commemorads quest onn. Quai betg per l'emprima giada: Gia l'onn 1983 aveva l'emissiun «Vita e cretta» discurrì dal 500avel anniversari da Luther e l'onn 1981 da Clau da Flia e da las festivitads a chaschun da la dieta da Stans dal 1481. Alura aveva ser Christian Monn barmier cità la sumeglia da Marta e Maria or da l'evangeli da Lucas. Per dir, ch'ins duess commemorar a Clau da Flia sco Maria che tadlava tiers a Jesus, ed era betg sco Marta che purscheva cun servir si a Jesus spaisas e bavrondas.

Co celebrar anniversaris e giubileums ecclesiastics? – L'emissiun «Vita e cretta» va er questa dumengia da stad en l'archiv.

Il pled sin via fa Lucia Wicki-Rensch, collavuratura da Agid a la Baselgia en miseria (Kirche in Not) a Lucerna.

Contribuziuns

Redacziun: Rafael Müller