Mungias fermas

Ellas eran musicalas, scoladas – e savens er pussantas: las mungias ed abadessas dal temp medieval. Almain per las dunnas en claustras n'era il temp medieval betg exnum in'epoca stgira. Cuntrari: Claustras eran per dunnas ils sulets lieus per sa scolar en las scienzas e per insumma s'emancipar dad ina societad patriarcala. Per part è quai reussì cun grond success, sco ch'ina exposiziun en il Museum naziunal svizzer a Turitg mussa. L'exposiziun documentescha la vita da mungias ed abadessas en l'Europa, sco per exempel da Hildegard von Bingen, Pétronille de Chemillé u Elisabeth von Wetzikon. Plinavant declera l'exposiziun cun in stgazi d'exponats surprendentamain ritg da la vita claustrala en il temp medieval.

Contribuziuns

  • Las mungias «fermas» dal temp medieval

  • Pled sin via da Guido Tomaschett

Redacziun: Donat Caduff