Siglir tar il cuntegn
cuntegn

General Glossar - Protecziun da datas

Datotecas da protocol

Mintga giada che Vus utilisais l'internet ans transmetta Voss navigatur-web automaticamain datas specificas che nus memorisain en uschenumnadas datotecas da protocol.

  1. Infurmaziuns davart il tip da navigatur e la versiun utilisada
  2. Il sistem operativ da l'utilisadra u da l'utilisader
  3. Il provider da servetschs d'internet da l'utilisadra u da l'utilisader
  4. L'adressa IP da l'utilisadra u da l'utilisader
  5. La data ed il temp da l'access
  6. Paginas-web, davent da las qualas il sistem da l'utilisadra u da l'utilisader avra nossa pagina-web
  7. Paginas-web che vegnan avertas dal sistem da l'utilisadra u da l'utilisader via nossa pagina-web
  8. Il num da la datoteca averta
  9. La quantitad da datas transmessa
  10. L'annunzia, sche l'acziun d'avrir la datoteca è reussida

Las datotecas da protocol memorisain nus per eruir disturbis e per garantir la segirezza. Nus las memorisain fin 10 dis e suenter las stizzain nus. Las datotecas da protocol che ston vegnir archivadas per intents da cumprova na vegnan betg stizzadas fin ch'il cas correspundent n'è betg sclerì definitivamain; ellas pon en il cas singul vegnir transmessas a las autoritads da retschertga.

(stadi: 25-5-2018)

Cookies

Tge èn cookies?

Cookies èn pitschnas datotecas da texts che vegnan transmessas cura ch'ins visita ina pagina d'internet e memorisadas en il navigatur da l'utilisadra u da l'utilisader. Cura che la pagina d'internet correspundenta vegn danovamain averta, trametta il navigatur da l'utilisadra u da l'utilisader enavos il cuntegn dals cookies e pussibilitescha uschia da reconuscher l'utilisadra u l'utilisader.

Quant ditg memorisescha il navigatur ils cookies?

Tscherts cookies vegnan stizzads automaticamain cura ch'il navigatur vegn serrà (cookies transitorics), auters vegnan memorisads per il temp inditgà resp. durablamain en il navigatur da l'utilisadra u da l'utilisader e sa stizzan silsuenter independentamain (cookies temporars u permanents).

Impedir resp. stizzar ils cookies?

Via la colliaziun sutvart pudais Vus As infurmar davart l'activaziun da cookies da differents purschiders ed impedir che Vossas datas vegnian registradas resp. evaluadas cun agid da lur cookies:
www.youronlinechoices.com/de/praferenzmanagement, il link avra en ina nova fanestra

Ina pussaivladad d'impedir differents cookies surtut da purschiders americans è cuntanschibla via la suandanta colliaziun: optout.networkadvertising.org, il link avra en ina nova fanestra

Las indicaziuns tecnicas davart ils parameters dal navigatur infurmeschan co che Vus pudais stizzar ils cookies en Voss navigatur. Alternativamain pudais Vus avrir cun la cumbinaziun da tastas Ctrl+Shift+Delete (Strg+Umschalt+Löschen) la fanestra da parameters correspundenta.

(stadi: 25-5-2018)

Tge cookies utilisain nus e per tge intent?
Nus faschain diever da cookies per crear paginas-web pli simplas d'utilisar sco era per mesirar ed evaluar l'utilisaziun da nossa purschida. Intgins elements da nossa pagina-web pretendan ch'il navigatur activ possia vegnir identifitgà era suenter ch'el mida sin in'autra pagina. Nus utilisain sin nossa pagina-web ultra da quai cookies che permettan d'analisar il cumportament da navigar da las utilisadras e dals utilisaders.

(stadi: 25-5-2018)

Cookies absolutamain necessaris

Tscherts cookies èn necessaris per che nus possian metter a disposiziun a moda segira nossa purschida online. Questa categoria cumpiglia p.ex. cookies che:

  • gidan ad identifitgar resp. autentifitgar nossas utilisadras e noss utilisaders
  • memoriseschan temporarmain tschertas endataziuns da las utilisadras e dals utilisaders (p.ex. cuntegn dals formulars online)
  • memoriseschan tschertas preferenzas da las utilisadras e dals utilisaders (p.ex. parameters da tschertga u da lingua)
  • memoriseschan datas per garantir la reproducziun senza disturbis da datotecas da video resp. audio.

(stadi: 25-5-2018)

Cookies d'analisa

Nus utilisain cookies d'analisa per pudair evaluar en furma statistica il cumportament d'utilisaziun (p.ex. sutpaginas visitadas, dumondas da tschertga exequidas) da nossas utilisadras e da noss utilisaders.

(stadi: 25-5-2018)

Cookies da tracking en connex cun social plugins

L'integraziun da social plugins permetta als purschiders dals plugins da plazzar cookies.

(stadi: 25-5-2018)

Utensils d'analisa dal web

Nus duvrain infurmaziuns statisticas davart l'utilisaziun da nossa purschida online per la render pli simpla d'utilisar e per far retschertgas dal martgà.

Per quest intent utilisain nus ils utensils d'analisa dal web sutvart. Ils profils d'utilisaziun creads dals utensils cun agid da cookies d'analisa u cun evaluar las datotecas da protocol na vegnan betg colliads cun datas persunalas. Ils utensils na dovran insumma betg las adressas IP da las utilisadras e dals utilisaders u scursaneschan quellas immediat suenter la registraziun. Ils purschiders dals utensils d'analisa dal web elavuran las datas mo sco elavuraturs tenor nossas directivas e betg per agens intents.

Vus chattais per mintga utensil d'analisa dal web infurmaziuns davart il purschider respectiv e vegnis a savair co che Vus pudais impedir che Vossas datas vegnian memorisadas ed elavuradas cun agid da quest utensil. La funcziun opt-out per utensils che lavuran cun cookies opt-out è dependenta da l'apparat resp. dal navigatur e vala da princip mo per l'apparat final gist utilisà resp. per il navigatur utilisà. Ultra da quai pudais Vus er impedir cumplettamain la creaziun da profils d'utilisaziun cun deactivar en general l'utilisaziun da cookies.

  • Google Analytics: Google Analytics vegn mess a disposiziun da la Google Inc., 1600 Amphitheatre Parkway, Mountain View, CA 94043, USA («Google»). Nus utilisain Google Analytics cun la funcziun supplementara da Google che permetta d'anonimisar las adressas IP: Google scursanescha l'adressa IP per regla gia entaifer l'UE e mo en cas excepziunals pir en l'USA e memorisescha ella en mintga cas mo en furma scursanida. Vus pudais impedir che Vossas datas vegnian registradas resp. evaluadas cun agid da quest utensil. Telechargiai ed installai il plugin disponibel via la suandanta colliaziun: tools.google.com/dlpage/gaoptout?hl=de, il link avra en ina nova fanestra.
  • Optimizely: Optimizely vegn mess a disposiziun da l'Optimizely GmbH, Spichernstrasse 6, 50672 Cologna, Germania. Cun agid da quest tool pudais Vus impedir che Vossas datas vegnian registradas resp. evaluadas. Nizzegiai la pussaivladad opt-out sut la suandanta colliaziun: www.optimizely.com/de/opt_out, il link avra en ina nova fanestra
  • Parse.ly: Parse.ly vegn mess a disposiziun da la Parsly Inc., 33 East 33rd Street, 10th Floor, New York, NY 10016, USA. Cun agid da quest utensil pudais Vus impedir che Vossas datas vegnian registradas resp. evaluadas. Nizzegiai la pussaivladad opt-out sut la suandanta colliaziun: https://www.parse.ly/privacy-policy/, il link avra en ina nova fanestra
  • Chartbeat: Chartbeat vegn mess a disposiziun da la Chartbeat Inc, 826 Broadway, Floor 6 New York, NY 10003, USA. Cun agid da quest utensil pudais Vus impedir che Vossas datas vegnian registradas resp. evaluadas. Nizzegiai la pussaivladad opt-out sut la suandanta colliaziun: https://chartbeat.com/privacy/, il link avra en ina nova fanestra
  • Quintly: Quintly vegn mess a disposiziun da la Quintly GmbH, Neusser Str. 93, 50670 Cologna, Germania. Cun agid da quest utensil pudais Vus impedir che Vossas datas vegnian registradas resp. evaluadas. Nizzegiai la pussaivladad opt-out sut la suandanta colliaziun:
    https://www.quintly.com/privacy, il link avra en ina nova fanestra

(stadi: 25-5-2018)

Social Plugins (Plugins)

Tge èn plugins?

Plugins permettan d'integrar medias socialas en la purschida online da la SSR a favur da nossas utilisadras e noss utilisaders. Ils differents purschiders da plugins vegnan numnads en il sequent «purschiders da plugins».

Sco standard èn las funcziuns dals plugins deactivadas per impedir che las datas da las utilisadras e dals utilisaders vegnian transmessas automaticamain als purschiders. Pir cura che l'utilisadra u l'utilisader clicca sin il plugin (shariff-plugin) vegn el activà e transmetta datas. Las datotecas da protocol (inclus l'adressa IP) vegnan transmessas da Voss navigatur d'internet directamain ad in server dal purschider dal plugin correspundent ed eventualmain memorisadas là. Quest server po esser staziunà ordaifer l'UE resp. il Spazi economic europeic (p.ex. en l'USA).

Impedir l'activaziun da plugins?

Sche Vus na vulais betg il barat da datas tranter Vus e las medias socialas, duessas Vus sortir da las applicaziuns da las medias socialas avant che Vus utilisais las purschidas da la SSR. Ultra da quai duessas Vus activar il modus privat en ils parameters da la protecziun da datas da Voss navigatur.

Ultra da quai gidi era, sche Vus deactivais resp. restrenschais ils cookies en Voss parameters dal navigatur, uschia che terzs na pon betg suandar Voss cumportament d'utilisaziun. Vus pudais da princip er impedir ils plugins cumplettamain cun agid dad add-ons per Voss navigatur, uschenumnads bloccaders da scripts.

(stadi: 25-5-2018)

Ha la SSR in'influenza sin la dimensiun da l'elavuraziun da datas tras ils plugins?

Ils plugins èn extensiuns independentas dals purschiders da plugins. La SSR n'ha perquai nagina influenza sin la dimensiun da las datas registradas e memorisadas dals purschiders da plugins. Sch'in dals purschiders da plugins numnads ha plazzà cookies sin Voss computer, po quel protocollar Voss cumportament da navigar e crear profils d'utilisader detagliads cun agid da datas da tracking.

Ulteriuras infurmaziuns davart l'intent e la dimensiun da la registraziun da Vossas datas, davart lur elavuraziun ed utilisaziun tras ils purschiders da plugins sco era davart Voss dretgs e Vossas pussaivladads per proteger Vossas datas cun agid dals parameters chattais Vus en las indicaziuns davart la protecziun da datas dals purschiders respectivs. En il rom da nossa purschida online utilisain nus social plugins («plugins») dals suandants purschiders:

  • Plugins da la rait sociala Facebook: Facebook vegn gestiunà sin www.facebook.com da la Facebook Inc., 1601 S. California Ave, Palo Alto, CA 94304, USA, e sin www.facebook.de da la Facebook Ireland Limited, Hanover Reach, 5-7 Hanover Quay, Dublin 2, Irlanda («Facebook»). Ina survista dals plugins da Facebook e lur cumparsa chattais Vus qua: http://developers.facebook.com/docs/plugins; infurmaziuns davart la protecziun da datas da Facebook chattais Vus qua: www.facebook.com/policy.php, il link avra en ina nova fanestra
  • Plugins da Twitter: Twitter vegn gestiunà da la Twitter Inc., 1355 Market St, Suite 900, San Francisco, CA 94103, USA («Twitter»). Ina survista dals plugins da Twitter e lur cumparsa chattais Vus qua: https://twitter.com/about/resources/buttons; infurmaziuns davart la protecziun da datas da Twitter chattais Vus qua: twitter.com/privacy, il link avra en ina nova fanestra
  • Plugins da la rait sociala Google+ sco era da YouTube: Google+ vegn gestiunà da la Google Inc., 1600 Amphitheatre Parkway, Mountain View, CA 94043, USA («Google»). Ina survista dals plugins da Google+ e lur cumparsa chattais Vus qua: https://developers.google.com/+/plugins; infurmaziuns davart la protecziun da datas da Google+ chattais Vus qua: www.google.com/intl/de/+/policy/+1button.html, il link avra en ina nova fanestra
  • Plugins da Pinterest: Pinterest vegn gestiunà da la Pinterest Inc, 808 Brennan St, San Francisco, CA 94103, USA («Pinterest»). Ina survista dals plugins da Pinterest e lur cumparsa chattais Vus qua: https://developers.pinterest.com/tools/widget-builder/; infurmaziuns davart la protecziun da datas da Pinterest chattais Vus qua: about.pinterest.com/de/privacy-policy, il link avra en ina nova fanestra
  • Plugins dad Instagram: Instagram vegn gestiunà da l'Instagram LLC., 1601 Willow Road, Menlo Park, CA 94025, USA («Instagram»). Ina survista dals plugins dad Instagram e lur cumparsa chattais Vus qua: http://blog.instagram.com/post/36222022872/introducing-instagram-badges; infurmaziuns davart la protecziun da datas dad Instagram chattais Vus qua: https://help.instagram.com/155833707900388/, il link avra en ina nova fanestra
  • Plugins dad AddThis: AddThis vegn gestiunà da l'Oracle America, Inc. («Oracle»), 500 Oracle Parkway, Redwood Shores, CA 94065, USA. Cun agid da quest utensil pudais Vus impedir che Vossas datas vegnian registradas resp. evaluadas. Nizzegiai la pussaivladad opt-out sut la suandanta colliaziun: http://www.addthis.com/privacy/opt-out, il link avra en ina nova fanestra

(stadi: 25-5-2018)

Cuntegns generads da las utilisadras e dals utilisaders

Nus integrain en la purschida online da la SSR funcziunalitads che permettan a las utilisadras ed als utilisaders da producir e publitgar atgnas contribuziuns. Questa integraziun è impurtanta per la SSR per integrar activamain las utilisadras ed ils utilisaders en la creaziun da las medias. Las funcziunalitads pretendan che las utilisadras ed ils utilisaders sa registreschian e sajan d'accord cun l'elavuraziun.

Las contribuziuns da las utilisadras e dals utilisaders (cuntegns generads dals utilisaders) vegnan tractadas sco datas persunalas. Ellas vegnan archivadas en ina datoteca da protocol (logfile) e servan exclusivamain a lur intent oriund resp. sco contribuziun en in forum, commentari, chat u blog. Uschespert ch'i n'è betg pli necessari da las memorisar, vegnan ellas stizzadas.

En connex cun ils cuntegns generads da las utilisadras e dals utilisaders fa la SSR diever da soluziuns da terzs. Quai èn p.ex.:

  • Janrain, Inc.
  • sms.at mobile internet services gmbh (websms)
  • b1group GmbH (talk42)
  • Neopoly GmbH
  • Widgix, LLC dba SurveyGizmo
  • TYPEFORM S.L.
  • CoreMedia AG
  • Hearken, Inc.
  • Amazee Labs AG

(stadi: 25-5-2018)

Newsletter / novitads da push

Nus As offrin la pussaivladad d'abunar newsletters e novitads da push. Vus ans dais il consentiment da trametter newsletters e novitads da push.

Sche Vus na vulais betg pli retschaiver newsletters e novitads da push, pudais Vus revocar Voss consentiment da tut temp. Nizzegiai la pussaivladad da desditga correspundenta u contactai nus.

En connex cun newsletters resp. novitads da push fa la SSR diever da soluziuns da terzs. Quai èn p.ex.:

  • Newsletter2Go GmbH
  • The Rocket Science Group (MailChimp)
  • Urban Airship, Inc.
  • eyepin

(stadi: 25-5-2018)

Formulars da contact (era per concurrenzas cun premis)

Nus As offrin la pussaivladad d'ans contactar directamain via ils formulars da contact e d'ans trametter p.ex. dumondas e propostas davart nossa purschida online u da participar a concurrenzas cun premis. Las datas persunalas registradas en quest connex (p.ex. num, prenum, adressa, e-mail) vegnan duvradas exclusivamain per l'intent inditgà.

En cas da dumondas en connex cun l'elavuraziun da Vossas datas persunalas nizzegiai per plaschair las indicaziuns da contact sin la conferma d'entrada da Vossa annunzia u contactai nus.

En connex cun ils formulars da contact fa la SSR diever da soluziuns da terzs. Quai èn p.ex.:

  • JotForm, Inc.
  • Ergopix Sàrl
  • tpc Switzerland AG (eMedia)
  • B&B Endemol Shine AG
  • Quizworks B.V. (Easy LMS)

Las datas che Vus ans transmettais via ils formulars da contact stizzain nus uschespert ch'i n'è betg pli necessari da las memorisar.

(stadi: 25-5-2018)

Indicaziuns tecnicas davart ils parameters dal navigatur

Cun agid dals parameters da la protecziun da datas da Voss navigatur pudais Vus impedir che terzs possian suandar Voss cumportament d'utilisaziun. Activai per quai il modus privat. Ultra da quai gidi era da deactivar resp. restrenscher ils cookies en Voss parameters dal navigatur. Vus pudais da princip er impedir cumplettamain l'installaziun da plugins cun agid dad add-ons (bloccaders da scripts) per Voss navigatur.

Dapli chattais Vus en Voss'instrucziun dal navigatur respectiva:

(stadi: 25-5-2018)