Siglir tar il cuntegn

Header

cuntegn

General «Schweiz am Mittag» – Il sguard en las regiuns linguisticas

«Buongiorno, bun di, bonjour e Guete Tag»: uschia beneventan las moderaturas Sabine Dahinden, Katharina Locher ed Anna Maier il public en l’emissiun «Schweiz am Mittag». Il nov magazin da mezdi sin SRF1 dat avant las elecziuns federalas in sguard en las quatter regiuns linguisticas da la Svizra.

«Schweiz am Mittag»

Avrir la box Serrar la box

Il nov magazin pon ins guardar a las 12:25 sin SRF1 a partir dals 14 da settember: quai da glindesdi fin venderdi. L'ultima emissiun è ils 9 d’october 2015.

Ils 18 d’october 2015 elegia il suveran svizzer in nov parlament naziunal. Per quest motiv rapporta il nov magazin sur mezdi «Schweiz am Mittag» durant in mais da tut quai che fatschenta las quatter regiuns linguisticas e ch’ha procurà là per letras grassas.

En l’emissiun live datti contribuziuns dals magazins d’infurmaziun «Telesguard» (RTR), «Il Quotidiano» (RSI), «Couleurs locales» e «Mise au point» (RTS) sco era da «Schweiz aktuell». En pli approfundeschan las moderaturas ensemen cun correspundents da RTR, RSI ed RTS ils temas che fatschenta la las quatter regiuns linguisticas.

Moderà vegn il magazin alternant da Sabine Dahinden, Katharina Locher ed Anna Maier.

audio
Bunura: Schweiz Am Mittag era cun contribuziuns rumantschas
ord Actualitad dals 14.09.2015.
laschar ir. Durada: 3 minutas 59 Secundas.

Artitgels legids il pli savens