Impressiuns or dals studios
-
Bild 1 von 8. Bildquelle: RTR.
-
Bild 2 von 8. Rimnada a Savognin. Bildquelle: RTR.
-
Bild 3 von 8. Quatter mattas en il studio da Mustér. Bildquelle: RTR.
-
Bild 4 von 8. Ed er la Victoria da Mustér è vegnida sperasvi. Bildquelle: RTR.
-
Bild 5 von 8. Mathilda Derungs ed Aluis Carisch èn vegnids cun in grond pachet a Glion. Bildquelle: RTR.
-
Bild 6 von 8. Era Sina è vegnida speravsi cun ses bab Clemens a Glion. Bildquelle: RTR.
-
Bild 7 von 8. Ed era Flora Tomaschett ha chattà la via a Glion. Bildquelle: RTR.
-
Bild 8 von 8. Karin Luzio e Vivian Cadosch han purtà in regal a Savognin. Bildquelle: RTR.
Glion: Ils emprims ora Glion èn stads Sina cun ses bab Clemens Christoffel ch'èn extra anc ì a cumprar en avant. Els èn vegnids cun in grond pachet cun victualias, tranter auter pastas e ris. Gia plirs onns tramettan els da quests pachets, uschia ch'era las persunas main fortunadas possian avair in zic plaschair da Nadal. Ed era Flora Tomaschett da Surcasti ha chattà la via en noss studio a Glion cun in scarnuz plain. Ed era ella fa gia cun plirs onns a questa acziun.
Savognin: Il scolar che va en la terza classa Vivian Cadosch è vegnì cun in pachet cun dultscharias ed ha ditg ch'ils paupers duajan era survegnir insatge e betg mo ils retgs ch'han gia tut. Era Karin Luzio è vegnida sperasvi cun in pachet cun urden da mintga di sco pasta da dents, da quai da far la duscha e crems per ils mauns, sco er confitura fatg sezza e lura anc in plesch per uffants. Sco ella di, fetschia ella mintg'onn in pachet per quest acziun.
L'entira acziun 2x Nadal va anc fin ils 11 da schaner. Sche vus avais pia manchentà da vegnir sperasvi tar nus, pudais vus anc adina ir sin posta a dar giu gratuitamain voss pachet.
Quai che vegn duvrà: rauba da mintga di: Mettai mo mangiativas durablas u artitgels d’igiena e tualetta en Voss pachet. Las victualias duessan esser conservablas anc almain sis mais. Ultra da quai s'adattan artitgels d'igiena e products per la tgira da la bucca e dals dents sco pasta da dents, barschuns da dents e fil dental. Products per l'ensolver sco müeslis, mel d'avieuls, confitura ed ovomaltina èn medemamain fitg tschertgads. En Voss pachet pudais Vus per exempel era metter té, zutger, ieli e ris. Pachets postals vegnan repartids en Svizra, la spediziun è gratuita.
Pachets online
Vus pudais era regalar pachets online. Quellas donaziuns van directamain a favur dad umans en l’Armenia, la Moldavia, la Bosnia-Erzegovina ubain il Kirghistan. Las donaziuns vegnan duvradas directamain per gidar umans pertutgads da la fom e da la povradad.
Or da l'archiv: