Siglir tar il cuntegn
Inhalt

2011 Accents 2

Ina carta d’identitad – Il Mussavia nov da RTR.

«Maletg directiv» da RTR

Tgi che va cun il tren sto consultar l’urari per savair, cura ch’il tren parta sin tge perrun e cura ch’el arriva a la staziun d’arrivada. L’urari è uschia in agid impurtant: el fa in tschert urden, el chanalisescha ed el garantescha ch’ils passagiers arrivian là, nua ch’els vulan arrivar.

Tgi che va cun il tren basegna era in bigliet, eventualmain era l’abunament da mesa taxa e la carta d’identitad. Era quai è documents che rendan insumma pussaivel il viadi.

Per organisaziuns publicas e privatas valan ils medems princips: era ellas basegnan insatge sco ina carta d’identitad. Ins numna quai «maletg empalont» u «maletg directiv». RTR Radiotelevisiun Svizra Rumantscha ha elavurà en il decurs dals davos mais in «Mussavia» nov che resguarda la situaziun actuala da noss’interpresa. L’ultim «maletg directiv» da RTR datescha dals 2003. Nairas uras
pia d’al refar.