Sin giavisch da bleras aspectaturas e da blers aspectaturs ha RTR decidì d’emetter il Telesguard il 2016 era durant la stad. Quai da glindesdi fin venderdi adina curt avant las 18:00 sin SRF1.
Ladina Heimgartner, directura RTR: «Sco interpresa publica stattan ils basegns da noss public per nus en il center. Jau m’allegrel da pudair realisar quest giavisch da noss public, e che nus pudain raquintar era durant la stad tge che marscha en Svizra rumantscha.»
Sch’il Telesguard da stad vegn lura era realisà en l’avegnir u sch’i resta tar il test dal 2016, vegn decidì suenter la stad.