Siglir tar il cuntegn

Header

ModeraturAs Telesguard.
Legenda: RTR
cuntegn

2016 Accents 1

Dapli per noss public – dapli per Vus Uschia sco l’onn 2015 è ì a fin cumenza er il 2016. In project suonda l’auter. En questa ediziun dals Accents preschentain nus intginas novaziuns che spetgan quest onn il public da RTR.

Sin giavisch da bleras aspectaturas e da blers aspectaturs ha RTR decidì d’emetter il Telesguard il 2016 era durant la stad. Quai da glindesdi fin venderdi adina curt avant las 18:00 sin SRF1.
Ladina Heimgartner, directura RTR: «Sco interpresa publica stattan ils basegns da noss public per nus en il center. Jau m’allegrel da pudair realisar quest giavisch da noss public, e che nus pudain raquintar era durant la stad tge che marscha en Svizra rumantscha.»
Sch’il Telesguard da stad vegn lura era realisà en l’avegnir u sch’i resta tar il test dal 2016, vegn decidì suenter la stad.