Allegra

Cordial bainvegni sin la pagina d’internet da RTR Radiotelevisiun Svizra Rumantscha.

Ladina Heimgartner Bild in Lightbox öffnen.

Legenda da maletgs: Ladina Heimgartner RTR

Preziadas e preziads

Cordial bainvegni sin la pagina d’internet da RTR Radiotelevisiun Svizra Rumantscha. Nus realisain emissiuns da radio e da televisiun e redigin paginas d’internet cun contribuziuns da text, video ed audio. 170 collavuraturas e collavuraturs (ca. 125 plazzas cumplainas) en tut la Svizra rumantscha ed a Berna stattan en il servetsch da noss public. Nus furnin infurmaziuns d'auta qualitad da la regiun, da la Svizra e dal mund, nus divertin, nus contribuin a la cultura, a la furmaziun ed a l’integraziun. Nossa incumbensa è il mandat dal servetsch public ch'il Cussegl federal ha formulà en la concessiun da la SRG SSR. Il svilup tecnologic suandain nus attentivamain - per esser là, nua che noss public è.

Che nossa chasa da medias po lavurar independentamain, ch'ella po star a disposiziun al pli vast public, ch'ella po scolar schurnalistas e schurnalists uschia ch'els fan lavur professiunala, d'auta qualitad e credibladad, è per gronda part mo pussaivel grazia a Vus. 70 pertschient dal preventiv da la SRG SSR èn finanziads entras taxas e 30 pertschient tras entradas commerzialas, sco p.ex. reclama en la televisiun. Jau engraziel persuenter, jau engraziel era per voss interess e per vossa simpatia envers noss programs. Gugent stun jau a disposiziun per vossas dumondas, vossa critica - e natiralmain era voss laud.

Ladina Heimgartner
Directura RTR