La Televisiun Rumantscha (TR) è mintga di preschenta sin SRF 1. Da glindesdi fin venderdi vegn l’emissiun d’infurmaziun «Telesguard» emessa a las 17:40 (repetiziuns tranter las 18:00 e las 22:00 sin SRF info). «Telesguard» è in’emissiun d’infurmaziun cun temas che fatschentan il Grischun e la Svizra rumantscha. Per uffants datti il magazin d’infurmaziun «Minisguard», che vegn emess mintgamai la sonda a las 17:40 e repetida dumengia a las 17:10. Dumengia a las 17:25 è era da vesair l’emissiun «Cuntrasts», là è il num program: las emissiuns èn uschè vivas e multifaras sco noss chantun. Pliras giadas ad onn vegn l’emissiun da politica «Controvers» emessa enstagl da «Cuntrasts», ina debatta engaschada davart la vita politica en il Grischun e la Svizra. Ultra da quai producin nus quatter giadas ad onn l’emissiun «Pled sin via» (Wort zum Sonntag).

Tut las emissiuns da la TR han suttitels tudestgs e porschan al rest da la Svizra regularmain la chaschun d’inscuntrar nossa pitschna minoritad linguistica (suttitels sin la pagina da Teletext 777). Noss films na fruntan betg mo en Svizra rumantscha sin grond interess, mabain han era gia survegnì premis naziunals ed internaziunals.