www.rtr.ch è dapi l’onn 1997 nossa website cun infurmaziuns cumplementaras dals programs da radio e televisiun. La purschida online vegn schlargiada cuntinuadamain. Per exempel stattan dapi l’entschatta da l’onn 2005 tut las emissiuns d’infurmaziun a disposiziun en furma digitala. Dapi l’onn 2006 exista era ina redacziun online ch’è responsabla per il cuntegn da nossa pagina-web. L’onn 2007 è la purschida vegnida extendida cun la plattafurma per giuvenils Battaporta ed il 2008 cun Minisguard per uffants.

La nova cumparsa (2015) porscha als utilisaders in access direct a la purschida multifara da RTR. Ultra da quai datti cun l’applicaziun «Play RTR» ina versiun mobila per ils differents cuntegns.