Las unitads d'interpresa da la SRG SSR collavuran stretgamain tant per il program sco era per numerus projects ed events da sport naziunals.
Di cuminaivel da la festa naziunala
Il 2021 han RTR, SRF, RSI e RTS producì cuminaivlamain l'emissiun dal 1. d'avust. Sper ils discurs cun il president da la Confederaziun Guy Parmelin ed EugeneChaplin, il figl da CharlieChaplin, han las moderaturas ed ils moderaturs Clarissa Tami (RSI), Corina Schmed (RTR), Jean-Marc Richard (RTS) e Sven Epiney (SRF) manà il public sin in viadi tras l'entira Svizra. La producziun ha custà var 400'000 francs.
Sin ils fastizs dal coronavirus
Sin tge vias è il virus arrivà en Svizra? Co ha la Svizra reagì sin la pandemia? E tge consequenzas e custs chaschuna corona? Las respostas a questas dumondas han tschertgà Philippe Blanc e Mario Casella en il film documentar «Pandemie – AufdenSpuren von Covid-19» («Pandemia – Sulletraccedel virus»). La producziun da RSI è era vegnida emessa dad RTR, SRF e RTS. Ella ha custà var 400'000 francs.
Acquistà cuminaivlamain ils dretgs da transmetter emissiuns da sport
En il sectur dal sport ha la SSR acquistà ils dretgs medials da transmetter eveniments da sport naziunals ed internaziunals sco er ulteriurs dretgs respectivs per tut las unitads d'interpresa. Per la perioda 2018–2021 han quels custà en media 41,2 milliuns francs l'onn.