-
Bild 1 von 7Legenda: L'ex18 Mustér è vegnida averta da Robert Cajacob, Rita Huonder e Jon Domenic Parolini. RTR, Linus Livers
-
Bild 2 von 7Legenda: Simon Jacomet dad Anavon Ski SA e la moderatura Esther Berther. RTR
-
Bild 3 von 7Legenda: Reto Schmid, da la conditoria.ch. RTR, Valentin Schmed
-
Bild 4 von 7Legenda: Discussiun da podium a l'EX2018. RTR, Linus Livers
-
Bild 5 von 7Legenda: RTR è pront per l’ex18 a Mustér.Esther Berther e Linus Livers sa legran sin vus. RTR
-
Bild 6 von 7Legenda: Comité d‘organisaziun ex18. MAD
-
Bild 7 von 7Legenda: Stan da RTR en il center da sport e cultura a Mustér. RTR
RTR ha rapportà live da l'avertura da l'ex18 a Mustér e discurrì cun represchentants da l'economia sco Gian Derungs dal comité d'organisaziun dal Forum Surselva, Silvio Schmid CEO da las Pendicularas Andermatt Sedrun e Reto Schmid da la conditoria.ch.
Ensemen cun il public promova RTR la vita culturala e sociala da la Rumantschia. Uschia envida RTR durant l’ex18 giuven e vegl, pitschen e grond da sa divertir cun il suandant program:
Radio live da l’ex18 Mustér
Venderdi (16:00 - 18:00), sonda (16:00 – 18:00) e dumengia (11:00 – 12:00 e 16:00 – 17:00) vegn fatg radio live da l'ex18 Mustér.
Team da nossaistorgia.ch al stan da RTR
Venderdi (19:00 - 21:00), sonda (15:00 – 17:00 e 20:00 – 22:00) e dumengia (13:00 – 15:00) è il team da nossaistorgia.ch al stan da RTR e preschenta als visitaders ed a las visitadras il nov archiv digital. Sin la plattafurma «nossaistorgia.ch» pon persunas privatas ubain era instituziuns metter online fotografias, videos u dossiers e parter quels cun la communitad.
Preschentaziun «Amur senza fin»
Dumengia a las 13:00 vegn mussà il film rumantsch «Amur senza fin» en la sala Fontauna. Limita da vegliadetgna: 16 onns
Plinavant pon las visitadras ed ils visitaders era quest onn puspè sa participar al gieu dal marenghin e cun savida ed in zichel fortuna gudagnar in marenghin.
Nus ans legrain da Vossa visita!
Rapports da RTR da l'EX18
Sco RTR ha gia rapportà pli baud, datti a chaschun da l'EX18 a Mustér pliras preschentaziuns. Tranter auter Amur senza fin sco era tuttas ideas tge far ord il spital militar sco per exempel «Be a Genius» che vul animar giuvens da returnar en Surselva.