Interpresa RTR - 2xNadal a Cuira – grazia per Voss agid!

1 / 7

Legenda: Er ils pli pitschens han purtà in pachet e lura giudì in toc petta. RTR, Selina Chistell

2 / 7

Legenda: Er en Cuira vegn rimnà per l'acziun da 2xNadal. RTR, Selina Chistell

3 / 7

Legenda: Il suentermezdi portan Rumantschas e Rumantschs pachets per l'acziun 2xNadal en cafeteria da RTR. RTR, Selina Chistell

4 / 7

Legenda: Per divertiment musical procuran ils chantauturs Alexi e Marcus. RTR, Selina Chistell

5 / 7

Legenda: Purtar in pachet e dar ina baterlada - quai l'idea da l'acziun 2xNadal. RTR, Selina Chistell

6 / 7

Legenda: Placi Degonda è responsabel per l'acziun 2xNadal tar la Crusch Cotschna. RTR, Selina Chistell

7 / 7

Legenda: L'acziun da 2xNadal è ina acziun communabla da la Crusch Cotschna, da la SRG SSR, da la Posta e dal Coop. Pixabay

A Cuira èn sa rimnads Rumantschs e Rumantschas ch'han purtà pachets a chaschun da l'acziun 2xNadal. La maisa en la cafeteria dad RTR è s'emplenida cun victualias, termagls, products da cosmetica e bler dapli. Uschia vegnan sustegnids quels che vivan a l'ur da nossa societad ed han pli pauc. Tranter ils giasts è er Placi Degonda che lavura tar la Crusch Cotschna stà. El ha mintga di da far cun persunas ch'èn en stretgas finanzialas ed enconuscha uschia las diversas fassettas da la paupradad en Svizra.

audio

2xNadal: Placi Degonda da la Crusch Cotschna davart la povradad en Svizra

03:09 min, ord Program spezial dals 03.01.2019.

laschar ir. Durada: 3 minutas 9 Secundas.

audio

2xNadal: Placi Degonda davart l'acziun 2xNadal

03:35 min, ord Program spezial dals 03.01.2019.

laschar ir. Durada: 3 minutas 35 Secundas.

audio

2xNadal: Discurs cun ils dus giasts Flora e Linus Tomaschett

01:28 min, ord Actualitad dals 03.01.2019.

laschar ir. Durada: 1 minuta 28 Secundas.

audio

2xNadal: La famiglia Michael d'Andeer ha purtà in pachet

02:05 min, ord Program spezial dals 03.01.2019.

laschar ir. Durada: 2 minutas 5 Secundas.

audio

2xNadal: Alexi Nay e Marcus Hobi e lur relaziun cun paupradad

08:46 min, ord Program spezial dals 03.01.2019.

laschar ir. Durada: 8 minutas 46 Secundas.

L'acziun 2xNadal a Cuira

Far in regal e gidar, quai è il senn da l'acziun caritativa 2xNadal. Cun in café ubain in toc petta en la cafetaria da RTR ha mintgina e mintgin pudì gidar e purtar in regal communablamain. Per divertiment musical han procurà ils chantauturs sursilvans «Alexi e Marcus».

audio

Mezdi: 2x Nadal – RTR rimna oz suentermezdi pachets

05:38 min, ord Actualitad dals 03.01.2019.

laschar ir. Durada: 5 minutas 38 Secundas.

Tge poss jau metter en mes pachet?

Spezialmain giavischada è rauba ch’ins dovra mintga di: Mettai mo mangiativas u artitgels d’igiena e tualetta durabels en Voss pachet. Las mangiativas duessan esser conservablas anc almain sis mais. Prendai il meglier products sco té, café, pasta, ris, ieli u conservas. Fitg tschertgads èn er artitgels da tualetta sco pasta da dents, barschuns da dents, vatta, savun e schampo.

RR actualitad 14:00