Agrischa 2026 Zernez - Grond di cun cortegi a l'Agrischa

Grazia ad ina aura senza nivels ha l’Agrischa avert las portas. L’interess da vegnir a vesair l’exposiziun d’animals, ils pli moderns utensils agriculs e la pussaivladad da cumprar products purils è grond. Gia la sonda avant mezdi eran sin la plazza passa 2’000 persunas. Ils organisaturs han preparà in program attractiv per pitschens e creschids. Oravant tut famiglias en preschentas.

La dumengia cumenza cun in grond cortegi

Bleras attracziuns

Radund 290 vatgas da different raz ins dastga visitar, occurrenzas cun chavals, ina tenda cun animals pitschens da tut gener. Durant il di ha lieu l’occurrenza da vatgas «miss Agrischa», la dumengia lura era la «miss chaura». Per l’alimentaziun stad a disposiziun ina tenda per radund 1’000 persunas. Era suenter l’Agrischa uffiziala datti in program, la societad da musica Brail, pli tard lura la gruppa d’orgel a man «Rümli Gäng» e per tartagnament enfin a bun’ura las trais datti musica dad ina gruppa dal Tirol.

Impressiuns da la sonda: bell'aura e fatschas rientas

Quai spetga a l'Agrischa 2026

Als visitaders e las visitadras da l’Agrischa a Zernez da questa fin d’emna spetgan ina exposiziun da muvel, in martgà da products e da masteranza purila. Circa 333 purarias da l’Engiadina, Val Müstair, Samignun e da las valladas dal sid sa preschentan sin la plazza da festa e martgà amez Zernez.

Ils organisaturs enturn Fadri Stecher da Sent spetgan cun 250 vatgas da latg sin plazza. Ma era chauras, asens e perfin alpacas duain procurar per la dretga atmosfera.

Sguards en il passà

600 gidanters e gidantras

La gronda tenda da festa duai esser in punct d’inscunter. Il program è bain emplenì, ma per organisar uschè ina festa èn necessaris numerus mauns che gidan.

Il comité d’organisaziun per l’Agrischa 2026 a Zernez sa cumpona da 19 persunas. Quellas han fin uss fatg la lavur d’organisaziun, però per che tut è pront per ils numerus aspectaturs ed aspectaturas da la festa, na dovra quai betg be organisaziun, mabain era l'entira installaziun.

Impressiuns da las lavurs

E quai dat lavur, co che il responsabel per la infrastructura, Reto Viletta ha badà fitg svelt.

Per quai, ma era per segirar ina festa per ils circa 10'000 aspectaturs ed aspectaturas che vegnan spetgadas, èn en acziun circa 600 gidanters ed gidantras.  

Era RTR è da la partida

La fin d'emna dals 25 e 26 d'avrigl 2026 èsi puspè uschè lunsch: L'Agrischa ha quest onn lieu a Zernez. Essas Vus era al lieu? Lura faschai ina visita al stan da RTR che sa chatta davant il center dal Parc Naziunal e scuvri il program multifar.

Sa participar vala la paina: Vus avais la pussaivladad da sa participar ad ina concurrenza e da gudagnar cun in pau fortuna in bel premi. Tut ils uffants dastgan sa legrar da noss gieu da pestgar andas cun grondius giveaways. Nus ans legrain da numerusas visitas.