Als visitaders e las visitadras da l’Agrischa a Zernez da questa fin d’emna spetgan ina exposiziun da muvel, in martgà da products e da masteranza purila. Circa 333 purarias da l’Engiadina, Val Müstair, Samignun e da las valladas dal sid sa preschentan sin la plazza da festa e martgà amez Zernez.
Ils organisaturs enturn Fadri Stecher da Sent spetgan cun 250 vatgas da latg sin plazza. Ma era chauras, asens e perfin alpacas duain procurar per la dretga atmosfera.
Emprimas impressiuns
-
Bild 1 von 8. Ils emprims giasts arrivan a l'exposiziun cun lur tractors. Bildquelle: RTR.
-
Bild 2 von 8. Bildquelle: RTR.
-
Bild 3 von 8. Giudair in shake da latg en il sulegl? Quai pon ins far a Zernez. Bildquelle: RTR.
-
Bild 4 von 8. I vegn er dissegnà – per tuttas e tuts datti insatge da far. Bildquelle: RTR.
-
Bild 5 von 8. Hmmm.. tge pasta è la meglra da tuttas? Bildquelle: RTR.
-
Bild 6 von 8. L'atmosfera è buna gia la sonda a bun'ura. Bildquelle: RTR.
-
Bild 7 von 8. In jogurt a l'Agrischa? Aura perfecta per in refrestg. Bildquelle: RTR.
-
Bild 8 von 8. Temp per far in bun gentar. Bildquelle: RTR.
600 gidanters e gidantras
La gronda tenda da festa duai esser in punct d’inscunter. Il program è bain emplenì, ma per organisar uschè ina festa èn necessaris numerus mauns che gidan.
Il comité d’organisaziun per l’Agrischa 2026 a Zernez sa cumpona da 19 persunas. Quellas han fin uss fatg la lavur d’organisaziun, però per che tut è pront per ils numerus aspectaturs ed aspectaturas da la festa, na dovra quai betg be organisaziun, mabain era l'entira installaziun.
Impressiuns da las lavurs
-
Bild 1 von 12. La tenda da festa è pli u main pronta. Bildquelle: RTR.
-
Bild 2 von 12. La tenda da festa ordador. Bildquelle: RTR.
-
Bild 3 von 12. Bildquelle: RTR.
-
Bild 4 von 12. Bildquelle: RTR.
-
Bild 5 von 12. Bildquelle: RTR.
-
Bild 6 von 12. Las preparativas per pudair preschentar ils animals èn circa finidas. Bildquelle: RTR.
-
Bild 7 von 12. Bildquelle: RTR.
-
Bild 8 von 12. Bildquelle: RTR.
-
Bild 9 von 12. Betg dapertut èn ins anc pront. Bildquelle: RTR.
-
Bild 10 von 12. Las saivs per ils animals vegnan installadas. Bildquelle: RTR.
-
Bild 11 von 12. Bildquelle: RTR.
-
Bild 12 von 12. Strom per l’occurrenza è avant maun. Bildquelle: RTR.
E quai dat lavur, co che il responsabel per la infrastructura, Reto Viletta ha badà fitg svelt.
L'Agrischa ha ina dimensiun fitg gronda. Jau n'hai mai betg pensà, che jau fatsch insatge uschè grond.
Per quai, ma era per segirar ina festa per ils circa 10'000 aspectaturs ed aspectaturas che vegnan spetgadas, èn en acziun circa 600 gidanters ed gidantras.
Era RTR è da la partida
La fin d'emna dals 25 e 26 d'avrigl 2026 èsi puspè uschè lunsch: L'Agrischa ha quest onn lieu a Zernez. Essas Vus era al lieu? Lura faschai ina visita al stan da RTR che sa chatta davant il center dal Parc Naziunal e scuvri il program multifar.
Sa participar vala la paina: Vus avais la pussaivladad da sa participar ad ina concurrenza e da gudagnar cun in pau fortuna in bel premi. Tut ils uffants dastgan sa legrar da noss gieu da pestgar andas cun grondius giveaways. Nus ans legrain da numerusas visitas.