Siglir tar il cuntegn

Header

cuntegn

Interpresa RTR Bainvegni al «Da cumpagnia»

Ils 25 da matg 2018 envida RTR da star da cumpagnia e da giudair musica giuvna e texts or da la plima d'Arno Camenisch.

Il num il pli enconuschent da la saira è bain quel dal scrivent Arno Camenisch. Cun ses texts na fa el furora betg mo en Svizra. Sias prelecziuns han status da cult e sias publicaziuns vegnan ludadas dals critichers (quasi) senza excepziun.

Talents giuvens embelleschan musicalmain l'occurrenza. La furmaziun a-capella «Invivas», ch'è vegnida fundada l'onn 2011, sa cumpona da tschintg giuvens Grischuns. Il num «Invivas» stat per perfecziun musicala, divertiment professiunal ed arranschaments d'auta qualitad. Il repertori tanscha dal song da pop fin a la chanzun populara.

Sin tribuna sa preschentan lura era scolaras e scolars da la scola da musica Landquart e conturn cun producziuns da cornet, clavazin, ghitarra, violina e saxofon.

Tras la saira maina Elin Batista, moderatura Minisguard.

Cordial bainvegni al «Da cumpagnia»

Avrir la box Serrar la box
  • venderdi, ils 25 da matg 2018, 20.00, en il Forum im Ried a Landquart.

Artitgels legids il pli savens