Cun la Microlotta a Falera

Sonda, ils 10 da zercladur 2017 ha lieu a Falera la «45avla Fiasta da cant sursilvana». 32 chors da la Surselva cun varga 1’000 chantadurAs sa participeschan a la festa. RTR registrescha e filmescha tut las producziuns da festa e fa visita cun la Microlotta.

In VW-bus da promoziun. Bild in Lightbox öffnen.

Legenda da maletgs: La Microlotta da RTR è la sonda en il “Vitget da cant” a Falera RTR

Cun la Microlotta sin visita

En il «Vitget da cant», amez Falera sa preschenta la chasa da medias rumantscha cun la Microlotta, l’auto che porta RTR a diversas occurrenzas en las regiuns.

La Microlotta porscha a grond e pitschen ina survista multifara da la lavur quotidiana da RTR che cumpiglia radio, televisiun, online ed er las medias socialas. Era la musica ha ina gronda impurtanza tar RTR. Perquai pon tut las visitadras e tut ils visitaders sa participar al «hits-quiz», engiavinar in dals hits tar RTR e gudagnar.

La festa da chant sin undas rumantschas

Cura che noss chor chantan gizza RTR egls ed ureglias. RTR registrescha tut las producziuns da festa ed emetta quellas en l'emissiun «Noss chors», ils 13/20 e 27-06-2017, a las 19:00. Il concert d’avertura è d`udir en il «Artg musical» dals 18-06-2017, a las 14:00. Plinavant filmescha RTR mintga chor durant sia producziun da festa e mussa il video sin www.rtr.ch