Siglir tar il cuntegn

Header

Grafik der Schweiz mit den jeweiligen Logos der Unternehmenseinheiten der SRG SSR
Legenda: La SRG SSR e sias unitads d'interpresa. SRG SSR
cuntegn

Custs d'emissiun 2020 Projects naziunals

Las unitads d'interpresa da la SRG SSR collavuran stretgamain tant en il program sco er en il rom da numerus projects ed events sportivs naziunals.

Documentaziuns, films e serias da tut las regiuns linguisticas da la Svizra sin ina plattafurma
Il 2020 ha la SSR lantschà otg novas serias ficziunalas: la segunda stagiun da la seria criminala «Wilder» (SRF), la segunda stagiun da la seria da thriller «Quartier des banques» (RTS), la seria dramatica «Bulle» (RTS), la seria istorica «Frieden» (SRF), la seria da thriller politica «Cellule de crise» (RTS), la seria-web «Bâtards» (RTS), la seria-web rumantscha «Metta da fein» (RTR) e la parodia criminala «Advent, Advent» (SRF). Cun excepziun da la «Metta da fein» e «Bâtards» èn tut las serias vegnidas emessas il medem temp en Svizra tudestga, franzosa e taliana. Ultra da quai stattan las serias a disposiziun sin la plattafurma da streaming Play Suisse - en la lingua originala e cun suttitels en trais fin quatter linguas naziunalas. Indicaziuns davart ils custs da las serias ed ils films chattais Vus sin las paginas-web da RSI, il link avra en ina nova fanestra, RTR, RTS, il link avra en ina nova fanestra e SRF.

In sguard davos las culissas da la procedura da natiralisaziun svizra
En Svizra sa differenzieschan las proceduras da natiralisaziun da vischnanca a vischnanca. La seria documentara «Far Svizzers» («Schweizer machen» / «La fabbrica degli svizzeri» / «La fabrique des Suisses») ha accumpagnà famiglias, pèrs maridads e persunas singulas da tut las quatter regiuns linguisticas che vulevan acquistar il dretg da burgais sin lur via a la naziunalitad svizra. En il focus èn stads conjugals talian-spagnols da Losanna (VD), in um cun in passaport tudestg da Freienbach (SZ), in pèr maridà portugais-talian da Puntraschigna ed ina famiglia eritreana da Lugano (TI). La seria documentara da Madeleine Brot, Laurent Nègre e Noémie Guignard è vegnida producida da RTS ed emessa en la segunda mesadad da l'onn sin RSI, RTR, RTS e SRF. Ils custs da producziun da la seria documentara han muntà a 0,9 milliuns francs.

Artitgels legids il pli savens

Scrollar a sanestra Scrollar a dretga