Siglir tar il cuntegn

Header

cuntegn

Custs d'emissiun Films documentars (2019)

La retscha da films documentars da RTR «Cuntrasts» consista per 99 pertschient d’atgnas producziuns. Auturas ed auturs èn collavuraturAs da RTR sco era cineasts libers che guardan e mussan la vita en il Grischun e la Svizra rumantscha tras lur camera.

RTR sustegna dentant era producziuns estras. En il rom da sia incumbensa per la cultura s’engascha la SRG SSR mintg’onn cun 27,5 milliuns francs (Pacte 2016-2019) per la co-producziun dals films svizzers. Da quai profiteschan era producentas e producents da films independents che fan films e videos per RTR. 2019 è RTR sa participada sur il Pacte de l’audiovisuel cun 175'000 francs a la realisaziun da tschintg producziuns da film independentas.

Ina survista detagliada davart l’engaschament da la SRG SSR e RTR en il rom dal Pacte de l’audiovisuel è da chattar qua, il link avra en ina nova fanestra.

Documentaziuns

Cuntrasts
Legenda: Cuntrasts: du., 17:25 - 17:45, SRF 1 RTR

«Cuntrasts»

La retscha da films «Cuntrasts» cumpiglia istorgias da la convivenza e dals svilups socials en ed enturn la Svizra rumantscha. Sco p.ex. il film «Il luf» che reflectescha nossas projecziuns, temas e la moda e maniera da conviver cun ils lufs en Grischun. U lura «La crusch cun l'amur» che raquinta l'istorgia d'in augsegner che ha bandunà sia plaiv per amur da sia partenaria ubain «La dinastia Feuerstein», in purtret dals fotografs da Scuol che han marcà sur trais generaziuns cun lur fotografias e films il maletg e la percepziun da l'Engiadina Bassa. Ils «Cuntrasts» han era ina valur documentara p.ex. sch'els seguan minuziusamain il viadi che 250 vatgas e lur paster fan onn per onn da Sent sur il Cuolmen d'Fenga (2610 m.s.m), in passagi alpester-autalpin e perditga d'in sistem economic tradiziunal che ristga da scumparir.

L'emissiun «Cuntrasts Focus» focusescha sin in tema, mussa e reflectescha quel a maun da differents aspects ed en pliras contribuziuns. Il tema ha in connex direct ed actual cun il mintgadi en il Grischun e la Svizra rumantscha.

Ina ediziun dals «Cuntrasts» ha custà en media 31'000 francs l’onn 2019.

Artitgels legids il pli savens

Scrollar a sanestra Scrollar a dretga