Televisiun Rumantscha: Emissiuns da novitads e discussiuns (2016)

Tar las incumbensas principalas da RTR tutgan emissiuns d’infurmaziun cumplessivas ed objectivas cunzunt davart connexs politics, economics e socials. Cun emissiuns da novitads actualas ed emissiuns da discussiun contribuescha RTR a la furmaziun d’opiniun dal public.

90 minutas emissiuns d’infurmaziun actualas porscha RTR mintga emna en ses programs da televisiun. Ultra da quai vegn emessa quatter giadas l’onn ina discussiun politica. Las dumengias da votaziun ed elecziun datti emissiuns spezialas cun resultats, analisas e reacziuns tar projects naziunals, chantunals e communals.

Per infurmaziuns e rapports ha RTR era correspundentas e correspundents en tut las regiuns dal chantun Grischun. Els vivan al lieu e rapportan da funtauna directa. Cun lur selecziun conscienziusa e preschentaziun objectiva dattan els la tempra a la purschida d’infurmaziun da RTR.

Cun «Minisguard» han er ils uffants dapi 2009 in’emissiun che declera ad els il mund ed ils schabetgs a moda simpla.

Tut las emissiuns da televisiun da RTR vegnan emessas cun suttitels (teletext 777).

Emissiuns d’infurmaziun

Bild mit Text der Sendung Telesguard Avrir maletg en lightbox.

Legenda da maletgs: Telesguard: gli - ve, 17:40 - 17:52, SRF 1 RTR

«TELESGUARD»

La survista dals eveniments impurtants dal di porscha l’emissiun «Telesguard». Ella rapporta di per di da temas actuals ed eveniments communals, regiunals e chantunals da la politica, economia, cultura, sport e societad. «Telesguard» fa quai da moda cumplessiva cun contribuziuns e blocs da novitads, cun reportaschas live da lieus d’acziun ed intervistas live.

Il 2016 ha RTR emess per l’emprima giada l'emissiun da stad «sil punct». Curt, frestg e sin il punct: Da glindesdi – fin venderdi ha RTR rapportà mintgamai a las 17:50, durant la stad da temas ed eveniments che fatschentan il Grischun.

L’emissiun «Telesguard» ha custà 2,5 milliuns francs l'onn 2016.

Bild der Sendung Minisguard Avrir maletg en lightbox.

Legenda da maletgs: Minisguard: so, 17:40 - 17:52, SRF 1 RTR

«MINISGUARD»

«Minisguard» è l’emissiun per las aspectaturas ed ils aspectaturs giuvens. L’emissiun d’infurmaziun per uffants tematisescha novitads regiunalas, naziunalas ed internaziunalas e rapporta a moda evidenta, chapibla e divertenta dal mund da la politica, economia, cultura e societad. Ils uffants emprendan uschia a moda nuncumplitgada da chapir meglier las novitads ed ils fatgs da la vischinanza e da l’entir mund.

Il «Minisguard» ha custà 370´000 francs l’onn 2016.

Bild der Sendung Pled sin via Avrir maletg en lightbox.

Legenda da maletgs: Pled sin via: quatter emissiuns ad onn RTR

«PLED SIN VIA»

«Pled sin via» è in commentari cristian tar ils eveniments dal temp e vegn emess quatter giadas l’onn. I sa tracta d’in commentari persunal, en il qual teologas e teologs tematiseschan fatgs socials e dumondas da la vita individuala. Ord perspectiva cristiana prendan els posiziun tar quels fatgs e collian quella cun atgna savida e spiritualitad.

L'emissiun «Pled sin via» ha custà 6‘000 francs l’onn 2016.

Emissiuns da discussiun

Bild der Sendung Controvers Avrir maletg en lightbox.

Legenda da maletgs: Controvers: du, 17:25 - 17:45, SRF 1 RTR

«CONTROVERS»

L’emissiun «Controvers» è quai ch’il num empermetta: ina discussiun cuntraversa sur da temas politics, economics e sociopolitics actuals che pertutgan il Grischun e la Svizra rumantscha. Persunas cun differents puncts da vista vegnan a pled. Aspectaturas ed aspectaturs duajan pudair far sezs in’opiniun sin fundament dals fatgs preschentads.

En media ha in’emissiun da «Controvers» custà 7´000 francs l’onn 2016.