Siglir tar il cuntegn

Header

Moderatura da l'emissiun Telesguard: Corina Schmed
Legenda: Moderatura da l'emissiun Telesguard: Corina Schmed RTR
cuntegn

Custs d'emissiun Televisiun Rumantscha: Emissiuns da novitads e discussiuns (2019)

Tar las incumbensas principalas da RTR tutgan emissiuns d’infurmaziun cumplessivas ed objectivas cunzunt davart connexs politics, economics e socioculturals. Cun emissiuns da novitads actualas ed emissiuns da discussiun contribuescha RTR a la furmaziun d’opiniun dal public.

Emissiuns d’infurmaziun

visual dal Telesguard
Legenda: Telesguard: gli - ve, 17:40 - 17:52, SRF 1 RTR

«TELESGUARD»

La survista dals eveniments impurtants dal di porscha l’emissiun «Telesguard». Ella rapporta di per di da temas actuals ed eveniments communals, regiunals e chantunals da la politica, economia, cultura, sport e societad. «Telesguard» fa quai da moda cumplessiva cun contribuziuns e blocs da novitads, cun reportaschas live da lieus d’acziun ed intervistas live.

Il 2019 ha RTR era emess l'emissiun da stad «sil punct». Curt, frestg e sin il punct: Da glindesdi – fin venderdi ha RTR rapportà mintgamai a las 17:45, durant la stad da temas ed eveniments che fatschentan il Grischun.

L’emissiun «Telesguard» ha custà 2.3 milliuns francs l'onn 2019.

Visual per l'emissiun Minisguard
Legenda: Minisguard: so, 17:40 - 17:52, SRF 1 RTR

«MINISGUARD»

«Minisguard» è l’emissiun per las aspectaturas ed ils aspectaturs giuvens. L’emissiun d’infurmaziun per uffants tematisescha novitads regiunalas, naziunalas ed internaziunalas e rapporta a moda evidenta, chapibla e divertenta dal mund da la politica, economia, sport, cultura e societad. Ils uffants emprendan uschia a moda nuncumplitgada da chapir meglier las novitads ed ils fatgs da la vischinanza e da l’entir mund.

Il «Minisguard» ha custà 425'000 francs l’onn 2019.

Pled sin via
Legenda: Pled sin via RTR

«PLED SIN VIA»

«Pled sin via» è in commentari cristian tar ils eveniments dal temp e vegn emess quatter giadas l’onn. I sa tracta d’in commentari persunal, en il qual teologas e teologs tematiseschan fatgs socials e dumondas da la vita individuala. Ord perspectiva cristiana prendan els posiziun tar quels fatgs e collian quella cun atgna savida e spiritualitad.

L'emissiun «Pled sin via» ha custà 6‘000 francs l’onn 2019.

Emissiuns da discussiun

Controvers
Legenda: Controvers: du, 17:25 - 17:45, SRF 1 RTR

«CONTROVERS»

L’emissiun «Controvers» è quai ch’il num empermetta: ina discussiun cuntraversa sur da temas politics, economics e sociopolitics actuals che pertutgan il Grischun e la Svizra rumantscha. Persunas cun differents puncts da vista vegnan a pled. Aspectaturas ed aspectaturs duajan pudair far sezs in’opiniun sin fundament dals fatgs preschentads.

En media ha in’emissiun da «Controvers» custà 10'000 francs l’onn 2019.

Artitgels legids il pli savens

Ir a sanester Ir a dretg