L'applicaziun Play RTR n'è betg mo disponibla per iPhones, iPads, Android smartphones e tablets, mabain era sco app da televisiun – e quai sin la box da Swisscom, Salt e Quickline sco era per Android TV, Apple TV ed Amazon Fire TV.
Ultra da quai pon ins transmetter videos da la pagina-web Play RTR e da la app mobila sin il monitur grond era via «screen-mirroring». Qua As mussain nus co quai va.
Jau hai ina box da Swisscom, Salt u Quickline. Co poss jau utilisar Play RTR?
- Quickline: L'app Play SRF è gia installada e po vegnir utilisada. La app Play RTR pudais installar via «store».
- Swisscom: Tar la TV-box 5, Swisscom Box u Swisscom Box 21 stuais Vus tschertgar l'app Play RTR en il Google Play Store ed installar quella.
- Salt: Tar la Salt TV Box stuais Vus tschertgar l'app Play RTR en il Google Play Store e tar la Apple TV Box en l'App Store ed installar quella.
Mia televisiun sustegna Android TV: Tge stoss jau far per pudair nizzegiar Play RTR?
Android TV è per blers producents da televisiun – tranter els Sony, Philipps e Sharp – preinstallà tar apparats da televisiun novs. En il manual da Vossa televisiun stat scrit, sche Voss apparat dispona dad Android TV. L'app Play RTR è disponibla a partir dad Android versiun 5 (2014).
Apparats da televisiun cun Android TV
L'emprim avri l'interfatscha d'utilisader Android TV. Sche Vus essas sin il monitur da partenza da Voss purschider da televisiun, stuais Vus navigar enavos «in nivel». Suenter tschertgais Vus «Play RTR» en Google Play Store ed installais l'app. Ella è disponibla ussa sin il visur da «start».
Tge poss jau far, sche mes apparat da televisiun n'ha betg preinstallà Android TV?
Mintga apparat da televisiun po vegnir extendì cun «Google Chromecast cun Google TV», «Apple TV-Box», u «Amazon Fire TV Stick». Uschia sa lascha l'app Play RTR tuttina installar sco descrit sura.
Sco alternativa pon ins transmetter videos era via «screen mirroring» cun la funcziun da Google Cast u Airplay directamain dal smartphone u dal tablet sin la televisiun.
Jau hai ina Apple TV Box: Tge stoss jau far per pudair far diever da l'app Play RTR?
Avri l'emprim l'interfatscha d'utilisader dal «Apple TV». Suenter tschertgar «Play RTR» en l'App Store ed installar l'app. Ella è lura disponibla sin il visur da «start».
Tge versiun da la Apple TV Box sustegna l'app Play RTR?
Tut las versiuns da las boxas dad Apple TV 4K sco era l'Apple TV HD Box (4. generaziun, 2015) sustegnan l'app Play RTR.
Sin las generaziuns precedentas, che na sustegnan betg 4K u HD, na po l'app Play RTR betg vegnir installada per motivs da cumpatibilitad.
Tge poss jau far, sche jau n'hai ni Apple TV ni Android TV e sche jau na poss pia betg installar l'app Play RTR sin mia televisiun?
Vus pudais era transmetter videos da l'app mobila (smartphone e tablet) u da la pagina d'internet Play RTR directamain via «screen mirroring».
Per far quai duvrais Vus in apparat da televisiun cun Chromecast respectivamain Airplay.
- Avri l'app Play RTR cun il smartphone u cun il tablet ed elegiai il video giavischà.
- Faschai attenziun che Voss smartphone u tablet e che l'apparat da televisiun èn integrads en la medema rait da WLAN.
- Tippai sut il video sin il simbol da Google Cast respectivamain dad Airplay.
- Tscherni l'apparat, sin il qual Vus vulais transmetter.
- Il video vegn ussa transmess sin la televisiun.
Streamar videos via Google Cast
Tge apparats da televisiun sustegnan la funcziun dad Apple Airplay?
Mintga apparat da televisiun ch'è vegnì amplifitgà cun la box da televisiun Apple sustegna era Apple Airplay. Ultra da quai porschan bleras televisiuns novas Airplay sco funcziun integrada.
Glista dals apparats che sustegnan Airplay
Tge apparats da televisiun sustegnan la funcziun da Chromecast?
Mintga apparat da televisiun ch'è vegnì amplifitgà cun Google Chromecast-Dongle sustegna la funcziun da Chromecast. Ultra da quai porschan bleras novas televisiuns Chromecast sco funcziun integrada.
Co poss jau transmetter videos da Play RTR da mes laptop u mes computer sin la televisiun?
- Avri la pagina Play RTR cun il browser Safari per transmetter videos sin in apparat da televisiun abel dad Airplay. Per transmetter videos sin in apparat da televisiun abel da Chromecast avri la pagina Play RTR cun il browser Google Chrome. Tscherni il video giavischà.
- Faschai attenziun che Voss computer u laptop e che l'apparat da televisiun èn integrads en la medema rait da WLAN.
- Tipai sut il video sin il simbol da Cast respectivamain dad Airplay.
- Tscherni l'apparat, sin il qual Vus vulais transmetter.
- Il video vegn ussa transmess sin la televisiun.
Questa plivalur porscha l'app Play RTR
Cun Play RTR pudais Vus guardar tut las emissiuns, scuvrir novs cuntegns e vesair muments live. Ultra da quai porscha Play RTR funcziuns supplementaras e formats ch'ins n'ha betg a la televisiun lineara.