Program per famiglias rumantschas
Avais Vus gust sin atmosfera da stad, popcorn e buns films? Alura participai a la «saira rumantscha». En il rom da l'open air kino envidain nus famiglias rumantschas per star da cumpagnia e giudair ina patgifica saira.
Gievgia, ils 18-06-2026 (mo da bun'aura)
- 17:30 Avertura da las portas
- 17:45 Bainvegni
- 18:00 Premiera da l’emissiun «Minisguard» cun la scola bilingua a Cuira
- 18:45 Apero offrì da RTR e kino d’uffants per ils pitschens cun in mix sgiaglià ord nossa offerta d’Ufffants
- 19:30 Fin da la saira famigliara – silsuenter cuntinuescha il program uffizial dal «kinoa» cun films rumantschs
Tgi che vul po natiralmain restar e prolungar la saira cun guardar trais ulteriurs films rumantschs a partir da las 20:00.
Annunzias
Avais Vus gust d’esser da la partida? Alura reservai gia oz Vossas plazzas via il formular qua sutvart. Il dumber da plazzas è limità. L'occurrenza è publica – l'entrada è libra.
Kinoa è in openair kino che ha lieu mintgamai durant la stad sin il Kornplatz a Cuira. Durant ils 11 enfin ils 21 da zercladur vegnan mussads blockbusters, films svizzers e divers highlights cun sairas tematicas, films e musica. Dapli sin kinoa.ch.
Program da la saira – open air kino cun films rumantschs
Il «kinoa» porscha in program da kino per tut las generaziuns: nuncumplitgà, senza barrieras e cun libra tscherna da la plazza. Il program vegn accumpagnà da purschidas culinaricas e d'ina atmosfera unica da glischs, musica ed inscunters. La saira dals 18 da zercladur 2026 stat sut il motto tematic: Films rumantschs. RTR metta a disposiziun per quella saira trais da ses films ed offrescha las entradas. Nus giavischain bun divertiment cun:
- 20:00 Senza flad – Corina Schmed va als cunfins
- 20:45 Ursina Lardi – cun forza e fragilitad
- 21:30 Ils Vincenzs dal Eastwood Lake
Reservaziun da bigliets
Ils bigliets per la saira cun films rumantschs pudais Vus empustar directamain tar l’organisatura qua: kinoa 2026 – kinoa.ch