Siglir tar il cuntegn

Header

cuntegn

Interpresa RTR L’ex18 Mustér ha cumenzà

Suenter quatter onns pausa datti quest onn dals 26 fin ils 28 d’october puspè l’ex18 Mustér en il center da sport e cultura a Mustér. Era RTR è cun ses stan e bler divertiment per Vus avant lieu.

RTR ha rapportà live da l'avertura da l'ex18 a Mustér e discurrì cun represchentants da l'economia sco Gian Derungs dal comité d'organisaziun dal Forum Surselva, Silvio Schmid CEO da las Pendicularas Andermatt Sedrun e Reto Schmid da la conditoria.ch.

Ensemen cun il public promova RTR la vita culturala e sociala da la Rumantschia. Uschia envida RTR durant l’ex18 giuven e vegl, pitschen e grond da sa divertir cun il suandant program:

  • Radio live da l’ex18 Mustér

    Venderdi (16:00 - 18:00), sonda (16:00 – 18:00) e dumengia (11:00 – 12:00 e 16:00 – 17:00) vegn fatg radio live da l'ex18 Mustér.

  • Team da nossaistorgia.ch al stan da RTR

    Venderdi (19:00 - 21:00), sonda (15:00 – 17:00 e 20:00 – 22:00) e dumengia (13:00 – 15:00) è il team da nossaistorgia.ch al stan da RTR e preschenta als visitaders ed a las visitadras il nov archiv digital. Sin la plattafurma «nossaistorgia.ch» pon persunas privatas ubain era instituziuns metter online fotografias, videos u dossiers e parter quels cun la communitad.

  • Preschentaziun «Amur senza fin»

    Dumengia a las 13:00 vegn mussà il film rumantsch «Amur senza fin» en la sala Fontauna. Limita da vegliadetgna: 16 onns

Plinavant pon las visitadras ed ils visitaders era quest onn puspè sa participar al gieu dal marenghin e cun savida ed in zichel fortuna gudagnar in marenghin.

Uras d’avertura da l’ex18 Mustér

Avrir la box Serrar la box
  • venderdi, 26-10-2018, da las 17:00 a las 23:00
  • sonda, 27-10-2018, da las 11:00 a las 22:00
  • dumengia, 28-10-2018, da las 11:00 a las 18:00

Nus ans legrain da Vossa visita!

Rapports da RTR da l'EX18

Sco RTR ha gia rapportà pli baud, datti a chaschun da l'EX18 a Mustér pliras preschentaziuns. Tranter auter Amur senza fin sco era tuttas ideas tge far ord il spital militar sco per exempel «Be a Genius» che vul animar giuvens da returnar en Surselva.

Artitgels legids il pli savens