Siglir tar il cuntegn

Header

Navigaziun

Mustér - il vitg da pli bauld
Legenda: RTR
cuntegn

Interpresa RTR Nossaistorgia.ch sin visita a Disentis/Mustér

RTR envida venderdi, ils 25-01-2019 a las 14:00 a la preschentaziun da la plattafurma «nossaistorgia.ch» en il Center da sanadad Puntreis a Disentis/Mustér. Laschai reviver il passà e mussar a Vus la plattafurma participativa.

Nossaistorgia.ch mussa films, fotografias e documents ch’illustreschan il svilup da las vischnancas da Mustér, Medel e Tujetsch. Avais era Vus perditgas pli veglias u actualas da la Cadi a chasa? Purtai quest material a la preschentaziun en il Center da sanadad Puntreis a Mustér. Laschai reviver il temp passà e giudai cun nus in café ed in toc turta.

L’istorgia e la memoria dal Grischun sin ina plattafurma: Quai è «nossaistorgia.ch». E qua pudais Vus plazzar fotografias u commentar documents ch’èn gia online. Nossaistorgia.ch è l’emprima plattafurma digitala, istorica e participativa da la Svizra rumantscha e dal Grischun. Persunas privatas ed instituziuns mettan online lur archivs. La finamira è da segirar communablamain la memoria collectiva da noss chantun.