«Nus eran là, vus eras là» – Per tge vai?

Durant ils ultims onns è capità bler en ed ordaifer il Grischun. Da tge eveniment As regurdais Vus anc spezialmain?

RTR ha rapportà e rapporta da tut quai che capita en las regiuns rumantschas, en il Grischun, en la Svizra e sin il mund. Saja quai davart occurrenzas da sport e da cultura, ma era davart catastrofas ed eveniments politics. Blers da quests eveniments e rapports èn restads en buna memoria ed han era sveglià emoziuns spezialas tar las collavuraturas ed ils collavuraturs da RTR.

Istorgias persunalas

Els raquintan en 15 filmins, co ch’igl è stà d’esser al lieu, da sentir il puls e l’atmosfera. Ma era, co ch’igl è stà da rapportar da quests eveniments. En il center stattan dentant adina lur experientschas persunalas.

Teaser Bild in Lightbox öffnen.

Legenda da maletgs: RTR

Las 15 istorgias:

  • Da success a success – Il passlunghist Dario Cologna Roman Dobler
  • Maraton da skis engiadinais Anna Caprez
  • Giovanni Netzer e ses festival da teater «Origen» Bertilla Giossi
  • Open Air Lumnezia Elin Batista
  • Dis da litteratura a Domat Esther Berther
  • Avertura tunnel dal Vereina (1999) René Spescha
  • Malauras en Surselva (2002) Petra Rothmund
  • Avertura da la punt da Sunniberg a Claustra (2005) Reto Mayer
  • Grond incendi a Flem (2006) Armon Schlegel
  • Elecziun cussegliera federala Eveline Widmer-Schlumpf (2007) Martin Valär
  • La sera sper il lag – Chanzun rumantscha (2009) Erwin Ardüser
  • 100 onns Parc Naziunal Svizzer (2014) Ladina Heimgartner
  • Festa da bainvegni per il lutgader Armon Orlik a Maiavilla (2016) Patrick Capaul
  • Rumantschs en ils Stadis Unids da l’America (2016) Paula Nay
  • Aur olimpic per Nino Schurter a Rio (2016) Roger Alig

E Vus?

Tge ha muventà Vus ils ultims onns? Tge è restà a Vus en buna memoria? Tramettai a nus Vossas experientschas persunalas:communicaziun@rtr.ch ubain via il formular sin rtr.ch/istorgias. Nus ans legrain da Vossas istorgias.