Da la staziun, sur la Plazza Gronda fin vi Sur Punt – las duas redacturas da RTR, Élin Batista e Petra Rothmund, èn idas per las vias dal vitg da Lavin a la tschertga d’inscunters spontans cun las abitantas ed ils abitants. Inscuntrà han ellas tranter auter ina chaschadra, in pur che ama il film e la pli veglia dunna dal vitg. Da las impressiuns han las duas redacturas creà in film documentar en il stil da «visual history». Gia avant 30 onns aveva la Televisiun Rumantscha visità il vitg da Lavin – bler è sa midà en be trais decennis.
Nus mussain ils dus films documentars «Per las vias a Lavin» da l’onn 1993 e la premiera dal film «Per las vias a Lavin – 30 onns pli tard».
Il film vegn mussà cun suttitels tudestgs.
L'occurrenza è publica e l'entrada è libra.
Impressiuns da las lavurs da filmar a Lavin
-
Bild 1 von 4. Bildquelle: RTR.
-
Bild 2 von 4. Bildquelle: RTR.
-
Bild 3 von 4. Bildquelle: RTR.
-
Bild 4 von 4. Bildquelle: RTR.
Guardar il film en la televisiun:
«Per las vias a Lavin – 30 onns pli tard», ils 25-05-2025 a las 17:25 sin SRF 1.