Dals 2 fin ils 4 da matg ha puspè lieu la MUMA, l'exposiziun da mastergnanza, ad Andeer.
Sper diversas fatschentas e manaschis agriculs è era RTR preschent cun la Microlotta ed in stan cun purschidas interessantas per il public. Essas era Vus da la partida quels trais dis? Lura faschai ina visita al stan da RTR e scuvri noss program multifar. Tar nus avais Vus la pussaivladad da testar Vossa savida en il sectur musical cun in quiz da chanzuns, durant ch'ils pitschens e las pitschnas pon colurar in agen set da tic-tac-toe. Sper quai pudais Vus tranter auter As participar ad ina concurrenza cun la schanza da gudagnar in bel premi.
Sonda e dumengia dat RTR la pussaivladad da dar in sguard davos las culissas da noss studio da radio mobil, nua che Vus pudais As participar a gieus, gratular a Voss chars e Vossas charas ed anc bler auter.
Nus ans legrain sin numerusas visitas durant quels trais dis.