Suenter che la SRG SSR ha decis da terminar d'emetter radio sin las undas ultracurtas (UKW/UUC) datti suandantas pussaivladads da retschaiver Radio RTR ed auters emetturs da la SRG SSR.
Tadlar radio a chasa
Sch'ins na posseda betg in radio DAB+ pon ins consumar Radio RTR uschia:
- Play RTR: Cun l'applicaziun da Play RTR pon ins laschar ir radio directamain via telefonin, tablet, televisiun ubain cun boxas (p.ex. cun bluetooth, multiroom). Qua pudais Vus telechargiar l'app.
- IP Radio: Sch'ins n'ha betg l'applicaziun da Play RTR pon ins er tadlar radio directamain sin www.rtr.ch/audio/radio-live
- Audioteca RTR: In'ulteriura pussaivladad da tadlar radio live datti sin rtr.ch/audio. Là chatt'ins er tut las emissiuns, contribuziuns e reportaschas auditivas.
- Adapter da HiFi: Per apparats da HiFi datti adapters cun ils quals ins po retschaiver radio DAB+, impurtant è ch'ils attatgs èn cumpatibels. In mussavia datti qua.
Tadlar radio da viadi
- Integraziun d'in radio en l'auto: Ina persuna dal fatg sco in garaschist po installar en l'auto in nov radio cun DAB+.
- Adapter da DAB+ en l'auto: Vi dal radio existent en l'auto pon ins er installar in adapter cun ina antenna tatgada vid la fanestra. In mussavia datti qua.
- FM-Tuner / bluetooth en l'auto: Colliar il telefonin directamain cun il radio cun agid da bluetooth ubain FM-Tuner. Là pon ins tadlar radio cun l'applicaziun Play RTR ubain sin la pagina rtr.ch.
- Play-RTR: Da viadi èsi adina pussaivel da far streaming sin il telefonin via l'applicaziun Play RTR.
Tadlar radio al plaz da lavur
- Radio DAB+: Cumprar in radio DAB+, per plazs da lavur al liber u p.ex. plazzals datti er models robusts.
- Protecziun d'udida cun DAB+: I dat uregliers che protegian las ureglias ed han medemamain integrà DAB+.
- Radio d'internet via browser / app: Sur il computer, tablet u telefonin pon ins retschaiver ils emetturs.
Mussavias per far las installaziuns e midadas
Per pudair retschaiver DAB+ dovr'ins in apparat u in adapter correspundent. Igl è perquai necessari da guardar sche Voss radio existent po retschaiver DAB+ u betg. Co che Vus pudais testar quai, vesais vus en ils tutorials qua sut.
Dapli infurmaziuns davart la midada
Play RTR – la videoteca rumantscha
Cun Play RTR avais Vus access a numerusas emissiuns e videos rumantschs – e quai cura e nua che Vus vulais. Las apps per telefonins (iOS/Android) chatt'ins mintgamai en ils stores sut il chavazzin «Play RTR».
Link per telechargiar l'app en ils stores da ioS ed Android
Telechargiai ussa l'app – jetzt die App im Store herunterladen. Schon gewusst? Ein Teil unserer Sendungen können auch mit deutschen Untertitel konsumiert werden. So fällt Rätoromanisch lernen noch leichter.
Play RTR datti era sco versiun da desktop. La via directa tar la purschida chattais Vus qua: