Siglir tar il cuntegn

Header

Radio DAB sper cuppinas da café.
Legenda: Maletg simbolic. RTR
cuntegn

Interpresa RTR Recepziun da radio

Survista da tut las pussaivladads per retschaiver Radio RTR

Sutvart chattais ina survista da tut las pussaivladads per retschaiver Radio RTR.

Radio digital mobil (DAB+)

En il sectur dal radio digital hai dà in grond svilup tecnologic cun il standard DAB+. La finamira da questa tecnologia digitala è da porscher ina auta qualitad da tun cun ina gronda paletta da programs e da remplazzar uschia a lunga vista la recepziun d’UUC/UKW. Dapi ils 17 d’october 2012 vegn il Radio RTR era emess en l’entira Svizra cun la nova tecnologia da DAB+. Dapli infurmaziuns davart questa tecnologia chattais Vus sut www.dabplus.ch, il link avra en ina nova fanestra.

Undas ultracurtas (UUC)

Tgi che taidla radio fa quai per il solit sur undas ultracurtas (UKW). Sur quellas pon ins retschaiver il program dal Radio RTR en l'entir chantun Grischun ed en la Val dal Rain.

Rait da cabel

Sin bunamain tut las raits da cabel svizras pon ins tadlar Radio RTR. Las differentas raits porschan il program da Radio RTR en qualitad usitada analoga u per part schizunt en qualitad digitala (DVB).

Na duess quai betg esser il cas, dumandai il provider da la rait da prender Radio RTR en la paletta da programs.

Sur satellit

Radio RTR emetta ses program era en il standard DVB sur satellit. Per che Vus possias tadlar radio sur satellit, duvrais Vus in'antenna parabolica ed in receptur da satellit DVB-S.

Qua chattais Vus las indicaziuns necessarias per programmar Voss receptur:

  • Satellit: 13° Ost Eutelsat Hotbird
  • Frequenza: 12.399 MHz
  • Polaritad: H (orizontal)
  • Symbolrate: 27’500 / FEC ¾
  • Audio-PID: 216 (rom)
  • Format: MPEG Audio Version 1, Layer 2 / 256 Kbps

Sur internet

Sper las vias convenziunalas da broadcast porscha il Radio RTR era differentas pussaivladads da recepir il program da Radio RTR sur l’internet. Oz avais Vus la pussaivladad da recepir Radio RTR a temp real (Live-Stream) u schizunt era anc da tadlar in’emissiun or da l’archiv (On Demand). Per pudair tadlar mobil tenor giavisch emissiuns passadas pon ins era chargiar las emissiuns da Radio RTR direct sco podcast u via computer sin in player local.