RTR a la «GUARDA»

La «GUARDA» remplazza l’anteriura exposiziun d’atun «GEHLA». Quest november ha l’exposiziun lieu per l’emprima giada dal 1. fin ils 5 da november 2017. Era RTR è da la partida e beneventa Vus sin il stan numer 3.10.

Duas persunas che giogan il quiz Bild in Lightbox öffnen.

Legenda da maletgs: Engiavinar chanzuns u artists tar il gieu «Hitsquiz». RTR

Sursiglir cuntegn supplementar

Nus respundain Vossas dumondas

Udis Vus adina puspè chaussas sco «HbbTV», ubain «smatgar il nuv cotschen», e na savais betg, tge che quai è? U avais dumondas en connex cun radio DAB+ per a chasa u en l’auto?

Nus prendain gugent il temp per Vus e mussain, co HbbTV funcziuna e dain scleriment davart radio DAB+ e respundain Vossas dumondas.

Il motto da la «GUARDA» è: Il pli grond plaz da fiera dal Grischun per giudiment e tradiziun. L’exposiziun vul promover la qualitad e la valur d’artisanadi, cultura, tradiziun, economia e turissem dal Grischun. Ella dat la pussaivladad da laschar resentir e sentir il Grischun.

Ina baterlada cun la directura da RTR Ladina Heimgartner

La directura da RTR, Ladina Heimgartner, è preschenta a l’exposiziun ed è spannegiada sin Voss resuns, Vossa critica, lauds u dumondas envers RTR.

«Hitsquiz»

Vus pudais as divertir a noss gieu «Hitsquiz». Metter ils uregliers ed engiavinar las chanzuns u ils artists. Faschai il gieu cun Voss amis e guardai, tgi ch’è il pli svelt.

Vegni sperasvi, dai ina baterlada, u as participai e gudagnai tar noss «Hitsquiz». Nus ans legrain da Vossa visita – dal 1. fin ils 5 da november a la «GUARDA» a Cuira.