Siglir tar il cuntegn

Header

cuntegn

Istorgia 2012 – 2011

Taidlas bler, vesas cler.

2012

RTR giauda simpatia e sustegn a Berna

Da temp en temp s’inscuntran il timun da RTR e da la SRG SSR cun la delegaziun grischuna en las chombras federalas a Berna. Ils 18 da settember 2012 è quai stà danovamain il cas. En il center da la discussiun stattan tant la politica da medias da la SRG SSR sco era l’andament da RTR e sias pussaivladads da sa sviluppar. A quest inscunter prendan per regla era part la cussegliera federala e la chanceliera federala grischuna.

Fotografia da sanester: Mariano Tschuor (directur RTR), ils cussegliers naziunals Heinz Brand e Martin Candinas, cussegliera naziunala Silva Semadeni, cusseglier naziunal e schef da la delegaziun grischuna a Berna, Hansjörg Hassler, Duri Bezzola (president SRG.R),Roger de Weck (directur general SRG SSR), la presidenta da la confederaziun Eveline Widmer-Schlumpf, Raymond Loretan (president naziunal da la SRG SSR), la chanceliera federala Corina Casanova, ils cussegliers dals chantuns Stefan Engler e Martin Schmid, Oscar Knapp (nov president da la SRG.R) ed il cusseglier naziunal Josias Gasser.
Legenda: RTR giauda simpatia e sustegn a Berna. Fotografia da sanester: Mariano Tschuor, Heinz Brand, Martin Candinas, Silva Semadeni, Hansjörg Hassler, Duri Bezzola, Roger de Weck, Eveline Widmer-Schlumpf, Raymond Loretan, Corina Casanova, Stefan Engler, Martin Schmid, Oscar Knapp e Josias Gasser. RTR

Taidlas bler – vesas cler

Nov program dal Radio Rumantsch. La nova structura da program suonda a la maxima: narrativ – flexibel – actual. Ils 30 da schaner va el on air. I sa tracta da la pli gronda midada dal program dals davos 20 onns. Medemamain vegn la nova campagna lantschada: Taidlas bler – vesas cler.

Placat cun si in urs, in QR-code, in chanun e scrit sutvart  «Co schliar il problem cun l'urs? Taidlas bler, vesas cler.» per lantschar il nov program da radio.
Legenda: Placat «Co schliar il problem cun l'urs? Taidlas bler, vesas cler.» per lantschar il nov program da radio. RTR

Musica rumantscha

«Chant au tour» sa cloma ina turnea iniziada ed organisada da RTR. Chantauturas e chantauturs rumantschs dattan concerts en 5 differents lieus: L’emprim ils 23 da mars a Cuira, ils auters èn a: Zuoz, Glion, Turitg e Tusaun. A la fin cumpara in disc cumpact.

Logo RTR «Chant au tour» – chantauturAs rumantschAs sin turnea.
Legenda: Logo RTR «Chant au tour» – chantauturAs rumantschAs sin turnea. RTR

Televisiun Rumantscha

Novaziuns en il program da la Televisiun Rumantscha: «Cuntrasts discurs» cun Rico Valär, «Controvers» cun Claudio Spescha producì en il studio da la chasa federala a Berna e «Cuntrasts magazin» cun Claudio De Pedrini.

SRG.R ha in nov president

Oscar Knapp vegn elegì president da la societad purtadra SRG.R da la radunanza generala ils 2 da zercladur a Scuol. El surprenda l’uffizi ils 01-01-2013 da Duri Bezzola, president da 2006-2012.

Ils anteriurs presidents:

Robert Ganzoni, Schlarigna (1946 – 1951)

Tista Murk, Müstair (1951 – 1959)

Christian Badraun, Samedan (1959 – 1968)

Stefan Sonder, Salouf (1968 – 1984)

Fidel Caviezel, Sumvitg (1985 – 1996)

Luregn Mathias Cavelty, Schluein (1997 – 2005)

Purtret dad Oscar Knapp.
Legenda: Oscar Knapp. RTR

Scolaziun e furmaziun

RTR dat gronda paisa a la scolaziun ed al perfecziunament professiunal da sias collavuraturas e ses collavuraturs. A partir dal november ha RTR da nov in post per scolaziun e furmaziun che vegn tgirà dad Uorschla Campell e Prisca Bigliel.

Las responsablas dal post per scolaziun e furmaziun, Uorschla Campell e Prisca Bigliel.
Legenda: Las responsablas dal post per scolaziun e furmaziun, Uorschla Campell e Prisca Bigliel. RTR

2011

5000 giadas «Impuls»

La 5’000 avla contribuziun da radio «Impuls» vegn emessa il schaner. Dapi 1994 emetta il RR en ses programs da la damaun ils «Impuls». En quels 17 onns han var 100 auturas ed auters da differentas vegliadetgnas, professiuns e regiuns producì e prelegì 5’000 texts.

Roger de Weck visita Cuira

Il comité directiv da la SSR cun il nov directur general Roger de Weck salva per l’emprima giada sia seduta mensila il favrer en la chasa RTR a Cuira. Il comité directiv è l’organ operativ suprem da la SSR.

Roger de Weck, il directur general da la SRG SSR, dat pled e fatg ad RTR.
Legenda: Roger de Weck, il directur general da la SRG SSR, dat pled e fatg ad RTR. RTR

Nov logo

RTR ha in nov logo ed ina nova denominaziun: RTR Radiotelevisiun Svizra Rumantscha. Il nov logo vegn introducì il matg. Medemamain vala il nov Mussavia da RTR cun las trais valurs centralas: dialoghisar – dar e pretender confidenza – dapli curaschi.

Logo RTR.
Legenda: Logo RTR. RTR

Festa federala da musica populara a Cuira

La Festa federala da la musica populara il settember a Cuira è in eveniment impurtant era per RTR. Passa 70’000 visitaders frequentan la festa. RTR registrescha las producziuns da musica e realisescha numerusas emissiuns da radio. Las registraziuns vegnan fatgas cun il nov bus da producziun. Il nov bus remplazza il studio mobil ch’è stà en funcziun dapi 1992. RTR realisescha era emissiuns da televisiun e collavurescha cun in’emissiun da gala sin SF1.

Visitaders da la festa da musica populara taidlan tiers ad ina gruppa da musica.
Legenda: Visitaders da la festa da musica populara taidlan tiers ad ina gruppa da musica. RTR

RTR dat canorta a la politica

Ils 23 d’october dat RTR canorta a la politica ed a tut las medias dal chantun Grischun a chaschun da las elecziuns en il parlament federal.

Reportra Nadja Cadonau tschenta ina dumonda a Martin Candinas en il center d’elecziuns en la chasa RTR a Cuira.
Legenda: Reportra Nadja Cadonau tschenta ina dumonda a Martin Candinas en il center d’elecziuns en la chasa RTR a Cuira. RTR

Artitgels legids il pli savens