2014

La cronica da RTR 2014

Schaner

01-01, Cuira
RTR festivescha durant l’entir onn il giubileum 30 onns gratulaziuns tar il Radio Rumantsch.

08-01, Cuira
Il comité directiv da la SRG SSR discuta il concept MM19 che prevesa ina midada da la purschida lineara a la non-lineara e decida ils proxims pass:

  • orientaziun en seduta suprastanza SRG.R 12-02
  • approvaziun dal rapport en seduta dal cussegl directiv SRG SSR 12-03
  • approvaziun dal rapport en seduta dal cussegl administrativ SRG SSR 02-04
  • infurmaziun dal persunalRTR 04 / 07-04

09-01, Cuira
RTR preschenta il 35avel Top Pop Rumantsch. El porta il titel Algordanzas e deriva dal rockadur engiadinais Dario Widmer.

16-01, Müstair
RTR envida a la premiera dal fi lm Ora et labora – ed ils Flyers da Stefan Dobler. Il fi lm mussa la visita surprendenta dal club da hokey dals Kloten Flyers tar las mungias da la claustra da Müstair.

18-01, Weinfelden
Al di dal fi lm popular vegn mussà tranter auters il film Strapatschs al Bernina da Ruedi Bruderer.

23-01, Sent
In Café cun Gianfadri Conrad. Il Radio Rumantsch emetta durant trais uras da l’ustaria La Teja.

23/24-01, Eupen (Belgia)
Sin invitaziun da l’ambassada svizra en Belgia sa participescha il directur ad in simposi da minoritads ad Eupen tar il Belgischer Rundfunk. La tematica: la rolla ed impurtanza d’ina chasa da medias per na cuminanza culturala e linguistica pitschna.

30-01, Cuira
Sin www.rtr.ch/telefoninvista pon ins guardar 10 intervistas da giuvenils, realisadas da Ca rin Camathias ed Ilona Stämpfli. La seria fa part dal project Web-Only-Contest da la SRG SSR.


Favrer

04-02, Cuira
La direcziun RTR s’in scuntra cun Franziska Füglistaler, la directura SwissTXT. En il center da discussiun stattan temas sco HBBTV, Media soluziuns e Teletext.

07/23-02, Sotschi
RTR rapporta dals gieus olimpics da Sotschi. Ils trais reporters da RTR èn Roger Alig, Roman Dobler ed Andreas Wieland. 37 atletas ed atlets dal Grischun – tants sco anc mai – sa participeschan als gieus.

17-02, Cuira
Isabelle Jaeger vegn elegida sco manadra dal ressort quotidian da RTR. Ella daventa successura da David Truttmann che reducescha ses pensum da lavur. Isabelle Jaeger ha lavurà tar RTR dal 1995 fin il 2010 e dal 2011 fin il 2014 è ella stada correspundenta grischuna da la televisiun SRF.

19-02, Rueun
In Café cun Marionna Lombriser. Il Radio Rumantsch emetta durant trais uras da l’ustaria s. Clau.

20-02, Cuira
RTR e Somedia SA organiseschan ensemen cun il Regionaljournal Graubünden da SRF il preludi a las elecziuns da regenza e cussegl grond dals 18-05. Participants al podium d’elecziun èn Gian Ramming, schefredactur RTR, David Sieber, schefredactur SO, Werner Reimann, Demoscope, cusseglierAs guvernativas, presidents da partida e candidatas e candidats per la regenza grischuna.

27-02, Berna
Il directur RTR Mariano Tschuor vegn clamà en la direcziun ge nerala da la SRG SSR. El surpiglia il stab martgads e qualitad e suttastà direct al directur general e surpiglia la nova incumbensa l’october 2014.


Mars

09-03, Engiadina
RTR rapporta live dal 46avel maraton da skis engiadinais, accumpogna la cursa e porscha impressiuns ed istorgias dal start da Malögia fin l’arrivada a S-chanf. Quai t. a. cun emissiuns da radio triling per rumantsch, tudestg e talian.

18-03, Berna
Per tgirar contacts ed infurmar da l’interpresa RTR/SRG.R s’inscuntra la deputaziun gri schuna en chasa federala. Pre schientscha politica: Eveline Widmer-Schlumpf, Corina Ca sanova, Hansjörg Hassler, Heinz Brand, Martin Candinas, Stefan Engler, Martin Schmid. SRG.R: Oscar Knapp, Beatrice Baselgia, Duri Blumenthal.
RTR: Mariano Tschuor, Gian Ramming, Adrian Camartin, Claudio Spescha.

24-03, Cuira
RTR envida ils anteriurs commembers dals gremis da sia societad purtadra SRG.R ad in gentar. Cun questa chaschun infurmescha la direcziun da las midadas planisadas per RTR.

26-03, Cuira
Il cussegl dal public SRG.R surdat il premi schurnalistic SRG.R a Livio Foffa e David Spinnler per il project Allegra Rumantschs che SRF3 ha realisà il zercladur 2013 ensemen cun RR. En il center dal project steva la Svizra rumantscha, la cultura ed il linguatg rumantsch.

27-03, Cuira
RTR preschenta il 20avel disc cumpact da la seria TOP KIDS cun l’istorgia dal Pitschen Prinzi.

28-03, Zuoz
Radio Rumantsch organisescha en la Chasa Café Badilatti l’Artg musical sut il titel: Chant e musica en tun popular. Tranter auter sa participeschan Claudia e Jachen Janett e la Chapella Jünaiver.

31-03, Cuira
Ina delegaziun dal Belgischer Rundfunk BRF cun il directur Toni Wimmer fa ina cuntervisita a RTR. A l’occurrenza publica èn preschents il pre sident da SRG.R Oscar Knapp ed ina delegaziun da l’am bas sada svizra a Brüssel e da l’am bassada da la Belgia a Berna. La discussiun al podium porta il titel Medias e lur rolla per l’identitad d’ina cuminanza linguistica.
Mariano Tschuor, directur RTR e Patrick Müller da DOCMI NE, preschentan en quest rom l’emprim videobook rumantsch. In videobook realisà en connex cun il mais tematic Ils Svizzers.


Avrigl

02-04, Cuira
Ladina Heimgartner daventa nova directura da RTR. Ella lavura dapi l’onn 2007 per la SRG SSR: L’emprim sco redactura da Radio Rumantsch, in onn pli tard sco manadra dal ressort Reflexiun. En quella funcziun è ella responsabla per las emissiuns emnilas da RTR ed è participada al svilup da l’emissiun Minisguard. Da 2010 fin 2011 è ella era sub stituta dal schefredactur RTR. Il 2011 mida Ladina Heim gartner en la direcziun generala da la SRG SSR a Berna nua ch’ella installescha la nova partiziun Martgads e qualitad ch’ella maina durant trais onns.
Sco directura da RTR è Ladina Heimgartner era commembra dal comité directiv da la SRG SSR.

04/07-04, Cuira
La direcziun RTR infurmescha il persunal dals plans per l’avegnir da RTR. En il center stat il project MM19.

26/27-04, Zernez
RTR sa preschenta a l’Agrischa a Zernez e rapporta omadus dis live cun in program div ertent per visitaders ed expositurs. Ils purs Linard Godly da Brail e Fadri Stricker da Sent discutan durant ina mes’ura en il RR da la politica agrara naziunala. Er ils Cuntrasts fan ina reportascha da l’exposiziun d’agricultura.


Matg

03-05, Surrein
RR fa visita a Surrein cun l’Artg musical. En chasa da scola chantan e sunan il Chor d’aff ons dalla vischnaunca da Sumvitg, il Chor mischedau da Surrein, l’ensemble deCanto e la Musica da Surrein/Rabius.

03-05, Cuira
RTR offrescha il lavuratori da far medias. Las persunas interessadas han la chaschun d’emprender ad enconuscher la lavur da schurnalissem.

07-05, Cuira
La Lia Rumantscha ha surdà la clavina rumantscha als atlets rumantschs che han participà als gieus olimpics d’enviern 2014 a Sotschi e ditg engraziel als reporters da sport da RTR.
Grazia a l’entusiassem per il rumantsch èn els sezs daventads partenaris d’intervistas dumandads.

17-05, Salouf
RTR è a la festa da chant districtuala a Salouf e registrescha las producziuns da chant en la baselgia da s. Gieri. A la festa da chant dals dus districts Alvra e Valragn/Moesa èn preschents 20 chors cun 800 chantadurAs, èn d’udir 62 chanzuns da patg ed in concert da gala.

18-05, Cuira
La dumengia da votaziun èn blers politichers, schurnalists e tecnichers en la Chasa RTR. En il center da l’interess: las elecziuns dal parlament e da la regenza en il Grischun. RTR rapporta cumplessivamain da las regiuns ed or dal center da medias a Cuira che dat dimora a tut ils meds da massa che rapportan da las elecziuns.
RR rapporta a partir da las 12:00 en detagl da questas elecziuns, porscha resultats, reacziuns, analisas chantu na-las e regiunalas, ma rapporta er da resultats da las votaziuns federalas e communalas. En ina discussiun speziala suenter las 18:00 fan represchentants da las partidas la bilantscha finala da quest di d’elecziun.
Il Telesguard rapporta da las 17:35 fin las 17:55 sin SRF1 dals resultats da las elecziuns e discurra cun la nova regenza grischuna.
Sin rtr.ch datti in live stream spezial da las Elecziuns grischunas 2014.

25-05, Cuira
RTR mussa sin SRF1 il film Ir enavos na va betg pli. Il film d’Eligi Derungs mussa ina istorgia da vita commoventa. En il center stat Philipp Lenz che ha la malsogna ALS, ina malsogna betg curabla. Eligi Derungs accumpogna Lenz durant l’ultim temp da sia vita.


Zercladur

12-06, Brasilia
Dals 12 da zercladur fi n ils 13 da fanadur rapporta RTR dal campiunadi mundial da ballape en Brasilia. RTR porscha perfin ina premiera cun in video-livestream dals gieus da la squadra naziunala svizra.

13-06, Trun
RTR envida da star Da cumpagnia en la sala da cultura.
Participants: il Chor cecilian da Trun, il Chor da giuvenils Surselva ed Alexi e Marcus cun Clau Maissen al saxofon.

14-06, Trun
A la radunanza generala da la SRG.R vegn Iso Camartin undrà cun il Premi 2014 da la SRG.R per sia lavur cumplessiva en favur da lingua, cultura e societad rumantscha. La societad purtadra SRG.R prenda era uffi zialmain cumià dal directur Mariano Tschuor che mida en la direcziun generala a Berna.

16-06, Vulpera
RTR envida a la premiera dal film Muntogna magica – la strategia dal Center da sandà Engiadina Bassa. Il fi lm da Susanna Fanzun mussa co che differentas instituziuns en l’Engiadina Bassa collavuran per garantir il provediment da sanadad en la regiun perifera.

23/27-06, Cuira
Dapi 100 onns exista il Parc Naziunal Svizzer. RTR rapporta dals 23 fin ils 27 da zercladur da l’istorgia, las sfidas e las festivitads. Il Telesguard emetta mintga saira live da S-charl, Lavin, Forum, Zernez e S-chanf. Il RR rapporta mintga di or dal parc ed er il Profil e la Marella tematiseschan il parc.


Fanadur

05-07, Cuira
Per il program da stad dals 05 da fanadur fin ils 24 d’avust metta la redacziun dal Telesguard mintga di videos actu als en l’internet. Dasperas datti er puspè l’emissiun Sas anc? cun films ord l’archiv ed ina seria musicala en il Radio Rumantsch cun hits da stad e per la segunda giada la rubrica Mia vita – mia musica.

19/20-07, Laax
RTR e la Lia Rumantscha èn preschents a la festa d’uffants a Laax cun in mund magic da paraulas e chanzuns per uffants.

25/26-07, Degen
RTR ed il team da Battaporta rapportan durant dus dis dal 30avel Open Air Lumnezia.


Avust

01-08, Zernez
100 onns Parc Naziunal Svizzer: L’emissiun da televisiun dal prim d’avust da la SRG SSR vegn perquai emessa live da Zernez e stat sut l’egida da RTR. Tras l’emissiun mainan Otmar Seiler (RTR), Sven Epi ney (SRF), Jean-Marc Richard (RTS) e Clarissa Tami (RSI).

05-08, Cuira
La nova direcziun da RTR è pronta: Ladina Heimgartner è l’emprima dunna a la testa da RTR e furma ensemen cun Gian Ramming, schefredactur, Pius Paulin, schef tecnica e Beat Lozza, schef gestiun commerziala, la nova direcziun che vegn sustegnida dal referent da la direcziun, Erwin Ardüser.

29/30-08, Cuira
La turnea chant au tour 2014 cumenza cun ils concerts da musica populara. Claudio Hassler, Gian Carlo Simonelli e Pius Baumgartner concerteschan ensemen cun Ursina, Tartaruga, Pascal Gamboni, Mario Pacchioli, Cha da fö, Bibi Vaplan ed Astrid Alexandre ils 29 d’avust a Glion ed ils 30 d’avust a Zuoz.


Settember

01-09, Cuira
RTR fa puspè in program spezial durant la chatscha:
RR emetta la saira ils Salids da chatscha e tschertga La preda da chatscha ed il Telesguard realisescha ed emetta durant 5 dis ina docu-seria da chatscha.

19/20-09, Andeer
La direcziun ed il cader RTR s’occupan cun la strategia da l’interpresa e las fi namiras per il 2015. Cun questa chaschun preschenta Cristian Joos, anteriur collavuratur RTR, a direcziun e cader il lieu d’An deer ed infurmescha davart la situaziun actuala dil lieu e da la Val Schons.

19/21-09, Losanna
RTR rapporta dals 19 fi n ils 21 da settember live dal festival Label Suisse da Losanna e da la surdada dal premi svizzer da musica.

30-09, Cuira
Otto Bass da Rabius gudogna la patenta da chatscha 2015, il premi per il victur dal quiz La preda da chatscha da RTR.


October

07-10, Cuira
Roger de Weck, il directur general, e Ladina Heimgartner, directura RTR, orienteschan il persunal RTR davart la stra tegia RTR e la debatta en connex cun il service public.

14-10, Cuira
RTR e la Lia Rumantscha publitgeschan in nov disc cumpact da la seria TOP KIDS cun Las pli bellas paraulas dals frars Grimm.

24/25-10, Cuira
La turnea chant au tour 2014 dat dus concerts da jazz a Cuira ed a Turitg. Da la partida: Rolf Caflisch, Lucas Schwarz, Josquin Rosset ed Andi Schnoz.

24/26-10, Mustér
RTR è preschent a l’exposiziun da commerzi e mastergn EX14. RTR emetta live e preschenta là ses nov product multimedial, il Play RTR.


November

04-11, Cuira
La directura da RTR Ladina Heimgartner daventa nova presidenta dal cussegl da fundaziun da la Chadaina da Fortuna. Ella entra en uffi zi il 1. da schaner 2015.

05/09-11, Cuira
A l’exposiziun professiunala grischuna per scolaziun e furmaziun FIUTSCHER 2014 è RTR preschent cun in stan per infurmar da la professiun da schurnalist. Blers giuvens èn sa fermads ed han fatg enconuschientscha cun la camera da televisiun e cun il bus da radio.

07/09-11, Domat
RTR rapporta dals Dis da litteratura.

25-11, Cuira
Il directur da l’Uffi zi federal da communicaziun (UFCOM/ BAKOM), Philipp Metzger è sin visita tar RTR.

29-11, Friburg
Suenter ina sesida communabla da la suprastanza SRG.R cun la direcziun RTR visita l’entira delegaziun la saira il concert fi nal da chant au tour a Friburg. Envidadas èn era persunalitads da la politica e cultura regiunala e na ziunala.


December

01-12, Cuira
Radio Rumantsch fa puspè sia acziun d’advent e regala min tga di in pachet cun bellas surpraisas.

02-12,Teheran
Al festival da films Cinema Vérité a Teheran vegn mussà il film rumantsch Resuns da Aline Suter e Celine Carridroit. RTR ha producì la versiun curta da quest film.

07-12, Cuira
Andri Franziscus è il nov mo deratur da l’emissiun da discussiun politica Controvers. El remplazza Claudio Spescha che mida tar SRF.

08-12, Cuira
RTR preschenta il nov disc cumpact en la retscha TOP CHORS vol.7 – Nadal rumantsch. Quel cuntegna 27 da las pli bellas chanzuns da Nadal.

10-12, Berna
Per la segunda giada è la gruppa lingua e cultura rumantscha dal Parlament federal s’inscuntrada a Berna. RTR è sa participada sco coorganisatura cun la Lia Rumantscha a la saira.

11-12, Cuira
Ensemen cun il public tschertga RTR il pled rumantsch 2014. La cursa fa l’expressiun: Far linlogn.

16-12, Cuira
RTR preschenta il nov disc cumpact chant au tour cun 14 chanzuns ch’è ina retrospectiva dals concerts e las collavuraziuns naschidas tras quest project.

26-12, Tavau
RTR rapporta live da la Cuppa Spengler da Tavau. Durant sis dis pon ins guardar, tadlar e persequitar ils gieus era sin rtr.ch e sin Twitter.

29-12, Cuira
RTR preschenta las preparativas dal Tour de ski en la Val Müstair. L’arranschament è ils sis da schaner. I dat era in livestream dals fi nals cun commentari rumantsch.

30-12, Sumvitg
RTR, la Crusch Cotschna Svizra e la Posta Svizra rimnan daners per l’acziun 2xNadal. Per questa chaschun envida Marionna Lombriser, redactura RTR, ad in café en l’ustaria Cruna a Sumvitg. La segunda emissiun per 2xNadal è lura ils 8 da schaner en il hotel Pizzeria a Susch.

30-12, Cuira
RTR fa durant Silvester e Bumaun in program spezial. Quai cun concert sin giavisch, gieus e party.