Siglir tar il cuntegn

Header

cuntegn

Istorgia 2017 – 2016

La cronica da RTR 2017 – 2016

2017

Mars

01-03, Cuira

Tgi che sgola cun la SWISS po dapi il mars era guardar films realisads da RTR.

Films realisads dad RTR en aviuns da la SWISS.
Legenda: Films realisads dad RTR en aviuns da la SWISS. RTR

06-03, Cuira

Seraina Derungs e Flavio Deflorin furman la nova redacziun da «Nouvo RTR». Dapi ils 6 da mars produceschan els curts videos per las raits socialas.

Seraina Derungs e Flavio Deflorin furman la nova redacziun «Nouvo RTR».
Legenda: Seraina Derungs e Flavio Deflorin furman la nova redacziun «Nouvo RTR». RTR

Zercladur

27-06, Cuira

Ils 27 da zercladur ha il cussegl d'administraziun da la SRG SSR elegì Flavio Bundi sco nov schefredactur RTR. El entra en uffizi il 1. da november. Gian Ramming, schefredactur dapi il 2009, resta commember da la direcziun RTR e surpiglia ed installescha la nova partiziun «svilup».

Flavio Bundi è vegnì elegì sco nov schefredactur.
Legenda: Flavio Bundi è vegnì elegì sco nov schefredactur. RTR

Fanadur

07-07, Cuira

Il fanadur ha RTR prendì en funcziun ses «Streamo», in nov bus da producziun video. Cun quest bus sa RTR producir davent da simpels inserts live en il Telesguard sur discussiuns da podium fin ad occurenzas sportivas.

RTR ha prendì en funcziun ses nov bus da producziun video «Streamo».
Legenda: RTR ha prendì en funcziun ses nov bus da producziun video «Streamo». RTr

October

01-10, Cuira

L'entschatta d'october ha Gilles Marchand, il nov directur da la SRG SSR, preschentà las prioritads da sia lavur e nominà Ladina Heimgartner, la directura da RTR, sco sia substituta.

Gilles Marchand, ha nominà Ladina Heimgartner sco sia substituta.
Legenda: Gilles Marchand, ha nominà Ladina Heimgartner sco sia substituta. RTR

01-10, Cuira

L'entschatta october preschenta RTR e la fundaziun «FONSART» l'emprima plattafurma digitala, istorica e participativa da la Svizra rumantscha e dal Grischun. Sin «nossaistorgia.ch» pon privats ed instituziuns metter onlne lur fotografias, videos u dossiers e parter quels cun la communitad.

RTR e la funadziun «FONSART» preschentan la plattafurma «nossaistorgia.ch».
Legenda: RTR e la funadziun «FONSART» preschentan la plattafurma «nossaistorgia.ch». RTR

December

01-12, Cuira

Cun la fin da l'onn remetta Ladina Heimgartner, la directura da RTR, ses uffizi sco presidenta da la Chadaina da fortuna ch'ella ha occupà dapi l'entschatta 2015.

Ladina Heimgartner sa retira sco presidenta da la chadaina da fortuna.
Legenda: Ladina Heimgartner sa retira sco presidenta da la chadaina da fortuna. RTR

2016

Schaner

01-01, Cuira

A partir da l'entschatta schaner ha RTR in nov slogan «al puls dal Grischun».

RTR ha in nov slogan «al puls dal Grischun»
Legenda: RTR ha in nov slogan «al puls dal Grischun» RTR

20-01, Cuira

Ils 20 da schaner è vegnì lantschà RTR+, l'offerta da Smart TV da RTR. Cun RTR+ èsi pussaivel da clamar sin la televisiun infurmaziuns supplementaras e cuntegns multimedials ord l'internet.

Offerta da Smart TV RTR+
Legenda: Offerta da Smart TV RTR+ RTR

Mars

01-03, Cuira

A partir dal mars è RTR sin via ter ses public cun la «Microlotta» (VW-Bus-Oldtimer, annada 1974), in vehichel tut spezial equipà cun infrastructura dad audio, video e multimedia.

Microlotta
Legenda: Microlotta RTR

Fanadur

04-07, Cuira

Glindesdi, ils 4 da fanadur, è la premiera da «RTR sil punct», la nova emissiun d'infurmaziun da RTR che vegn emessa durant la stad.

«RTR sil punct».
Legenda: «RTR sil punct». RTR

Artitgels legids il pli savens