Siglir tar il cuntegn

Header

Moderatur da Radio RTR Elias Tsoutsaios
Legenda: Moderatur da Radio RTR Elias Tsoutsaios RTR
cuntegn

Rumantsch – Rätoromanisch Lingua – Sprache bei RTR

Cun ina purschida da 24 uras radio, cun emissiuns regularas da televisiun ed in’offerta attractiva digitala porscha RTR di per di in program cumplessiv ch’accumpogna Rumantschas e Rumantschs e persunas ch’han plaschair da la lingua e la cultura rumantscha. RTR è e dat identitad rumantscha.

RTR contribuescha al svilup ed a l’actualisaziun da differents linguatgs spezials e jargons per il rumantsch, sco il linguatg dal sport, il linguatg d’uffants e giuvenils (Minisguard u Battaporta). Uschia producescha la giuvna redacziun social adina puspè podcasts cun tematicas linguisticas.

En il podcast “MALINCLETTIENTSCHAS” per exempel, vegn discutà a moda lucca e divertenta da problems che mintga RumantschA enconuscha: Discurrer cun insatgi d’in auter idiom.

Gist cun il mund digital sa mida er la lingua. Perquai declera la linguista dad RTR Anna-Alice Dazzi mintga mardi en sia rubrica “Linguarias” co che la lingua sa mida, tge ch’i fiss correct en rumantsch e co ch’i fiss da pronunziar tscherts pleds. Ensemen cun la linguista creain nus en pli prest mintga di novs pleds u novas expressiuns grazia a nossa lavur.

Artitgels legids il pli savens

Scrollar a sanestra Scrollar a dretga