Dapli
Mardi proxim, ils 05 da matg 2015, rimna la Chadaina da Fortuna ensemen cun la SRG SSR daners per las unfrendas dal terratrembel desastrus en il Nepal. Il terratrembel ha chaschunà ils 25 d’avrigl 2015 enorms donns e plirs millis morts e blessads en il Nepal. Ina da las centralas da la collecta da telefon vegn drizzada en tar RTR Radiotelevisiun Svizra Rumantscha a Cuira. Donaziuns pon vegnir fatgas per telefon via il numer da telefon gratuit 0800 87 07 07.