La nova pagina d’internet www.rtr.ch da RTR Radiotelevisiun Svizra Rumantscha sa preschenta a partir d’immediat cun in nov vestgì. Ella contribuescha als basegns dal public, metta il focus sin las novitads da las regiuns e porscha cunzunt era cuntegns multimedials. Uschia pussibilitescha rtr.ch als visitaders in access pli svelt e direct tar l’offerta multifara da RTR.
Nova pagina iniziala
Dapli
La pagina iniziala è la porta tar il nov mund multimedial da RTR e porscha ina survista dals cuntegns relevants ed actuals dal di. Tras ina actualisaziun regulara resta la pagina adina attractiva e pussibilitescha access direct tar temas d’interess.