Siglir tar il cuntegn

Header

cuntegn

Medias 2020 Livestream: Il luf en il focus – la discussiun cuntraversa

Reveder la lescha da chatscha u betg? Ina tematica che provochescha discussiuns cuntraversas. En il Controvers spezial da RTR, mesemna, ils 09-09-2020, a las 20:00 sin SRF info u sin rtr.ch, debatteschan live Stefan Engler e Silva Semadeni davart la revisiun da la lescha da chatscha.

En il Grischun vegn la lescha da chatscha discutada il pli cuntravers da tut ils tschintg projects da las votaziuns federalas. La fin da settember decida la Svizra davart la revisiun da la lescha da chatscha - u pli concret, per schluccar la protecziun dal luf.

Davart questa tematica debatteschan l’anteriura cussegliera naziunala Silva Semadeni (CONTRA) ed il cusseglier dals chantuns Stefan Engler (PRO). Er live en il studio èn Adrian Arquint, manader da l'Uffizi chantunal da chatscha e pestga, e Martin Kreiliger, manader da fatschenta dal project en favur dal guaud da muntogna, che dattan pled e fatg. Manada vegn la discussiun dad Andri Franziscus.

Il public da RTR è cordialmain envidà da participar a la discussiun cun trametter sias dumondas e ses resuns via rtr.ch.

Livestream Controvers spezial

Avrir la box Serrar la box
  • Tematica

    Il luf en il focus

  • Giasts

    Silva Semadeni, anteriura cussegliera naziunala

    Stefan Engler, cusseglier dals chantuns

    Adrian Arquint, manader da l’Uffizi chantunal da chatscha e pestga

    Martin Kreiliger, manader da fatschenta dal project en favur dal guaud da muntogna

  • Moderaziun

    Andri Franziscus

  • Cura

    Mesemna, ils 09-09-2020 a las 20:00 sin SRF info e sin rtr.ch

Artitgels legids il pli savens

Scrollar a sanestra Scrollar a dretga