7 milliuns francs donaziuns per fugitivs

Il di naziunal da collecta per fugitivs da la Chadaina da Fortuna ha mussà gronda solidaritad. Bunamain 7 milliuns francs èn vegnids rimnads.

Vigeli Monn - avat Claustra Mustér; Martin Jäger - president da la regenza grischuna; CLaudia Cathomen - manadra da la centrala da rimnada da la Chadaina da Fortuna a Cuira. Bild in Lightbox öffnen.

Legenda da maletgs: Avat Vigeli Monn, Claudia Cathomen e Martin Jäger en la centrala da RTR a Cuira. RTR

Mardi, ils 15 da settember 2015, ha la Chadaina da Fortuna organisà en l’entira Svizra in di naziunal da solidaritad. Fin las 23.00 è vegnì rimnà sur il numer gratuit donaziuns per 6’977’686.- francs.

En la centrala da Radiotelevisiun Svizra Rumantscha (RTR) a Cuira han collavuraturas e collavuraturs da RTR ed era persunas da la vita publica dal chantun – sco p. ex. Jon Domenic Parolini, Mario Cavigelli, Martin Jäger, Corin Curschellas, avat Vigeli Monn, Flurin Caviezel euv. – prendì encunter 600 telefons cun donaziuns empermessas per 145’706.- francs.