Allegra, signur cusseglier federal

La Svizra Rumantscha è oz stada en il focus tar il cusseglier federal Alain Berset.

La redactura da novitads Sabrina Hug declara a cusseglier federal Alain Berset, la directura da RTR Ladina Heimgartner ed Oscar Knapp, president da la SRG.R tge lavur ch'ella fa. Bild in Lightbox öffnen.

Legenda da maletgs: Ladina Heimgartner, cusseglier federal Alain Berset, Oscar Knapp (president SRG.R) e la redactura Sabrina Hug. RTR

Suenter sia visita dal set da film «Uorsin» en l’Engiadina Bassa, ha il cusseglier federal Alain Berset visità RTR Radiotelevisiun Svizra Rumantscha a Cuira. El ha nizzegià l’inscunter per in guid tras la chasa da medias e per ina runda da discussiun cun las collavuraturas ed ils collavuraturs da RTR. En il center èn stadas dumondas tar il film «Uorsin», ma era auters temas actuals da la politica culturala. Plinavant ha Berset respundì dumondas davart la refurma da l'urden da rentas e dals aspects da la politica da famiglia.