Siglir tar il cuntegn

Medias 2015 Cletg tar la chatscha – cletg tar RTR

Durant la chatscha 2015 ha Radiotelevisiun Svizra Rumantscha (RTR) tschertgà la preda da chatscha. 20 differents animals èn vegnids annunziads da chatschadurs, da lur confamigliars u amis.

Da sanester: Gabriel Casutt, Banca Raiffeisen Surselva, Michael Moser, victur, e Marionna Lombriser, moderatura dal Radio Rumantsch.
Legenda: Da sanester: Gabriel Casutt, Banca Raiffeisen Surselva, Michael Moser, victur, e Marionna Lombriser, moderatura dal Radio Rumantsch. RTR

Gievgia, l’emprim d’october 2015 ha Armando Janett, guardia chatscha da Tinizong, tratg la sort tranter tut las predas annunziadas. Gudagnà ha quest onn Michael Moser da Zignau cun ses chavriel lantschet ch’el ha sajettà ils 5 da settember a Patrus sper Zignau. El gudogna la patenta da chatscha per l’onn 2016 en la valita da passa 700.- francs, sponsurisada da la Banca Raiffeisen Surselva.