Da cumpagnia a Turitg

Radiotelevisiun Svizra Rumantscha lädt am 29. Mai 2015 um 20:00 Uhr ins Studio 2 des tpc in Zürich Leutschenbach ein.

Purtret da Pascal Gamboni. Bild in Lightbox öffnen.

Legenda da maletgs: Pascal Gamboni. RTR

RTR Radiotelevisiun Svizra Rumantscha envida da star da cumpagnia a Turitg. L’occurrenza ha lieu venderdi, ils 29 da matg 2015, a las 20:00 en il studio 2 dal tpc a Turitg Leutschenbach. Giuven e vegl èn envidads da passentar ina sairada da divertiment cun interprets indigens e la premiera dal 39avel Top Pop Rumantsch.

Turitg è daventà per bleras Rumantschas e per blers Rumantschs in segund da chasa. Cun il Da cumpagnia e la radunanza generala da la SRG.R fa RTR ina visita en la diaspora. Il Da cumpagnia porta ivettas musicalas cun artists giuvens rumantschs ch’èn creschids si en la Surselva ed en l’Engiadina e che vivan e lavuran oz en la diaspora.

Il concert porscha tuns e melodias dal musicist tuatschin Pascal Gamboni e Rees Coray che han gia fatg musica sur ils cunfins da la Svizra, numnadamain en l’Engalterra, Rezia, la chantadura passiunada che deriva oriundamain dal jazz e pop, ch’è dentant era da chasa tar la musica tradiziunala, soul, rock fin al hip hop. Lura il rappunz SNOOK che vala sco piunier dal rap pluriling, in rappunz ch’è creschì si a Scuol e che viva uss a Turitg. Ed il punct culminant da la saira è la premiera dal nov Top Pop Rumantsch.