Radiotelevisiun Svizra Rumantscha (RTR) envida ad in café gratuit e rimna regals per l’acziun 2xNadal. Quai a Salouf ed a Vella. Ils abitants e las abitantas da las regiuns pon purtar lur regals - per exempel 1 pac ris, 1 pac pasta, 1 buttiglia schampo u 1 stgatla da colurs - e star da cumpagnia. A mintgin che porta in regal offrescha RTR in café.
La mesadad da las donaziuns reparta la Crusch Cotschna alura ad instituziuns e persunas basegnusas en Svizra, l’autra mesadad en l’Europa da l’Ost. Spezialmain giavischada è rauba ch’ins dovra mintga di. Victualias che na van betg a mal sco pasta, ris, ieli e conservas da consumar anc silmain 6 mais. Artitgels d’igiena e da tualetta sco savun u pasta da dents. Material da scola e da papetaria ubain chalzers d’uffants novs.